望住個咁靚既海, 冇理由去一次沙灘咁少架麻, 今日仲有大輪船路過, 去打聲招呼先 ^^
決定潛出公海乎?
浮潛唔係咁容易玩呢
天空, 海水, 泳衣, 三種藍色
熊心壯志, 要建造沙堡壘
點知遇上潮漲, 海水不斷湧入沖擊城堡, 小慈擘一字馬保護!
人點能抵擋大自然既力量? 城堡好快被海水吞噬, 消失得無影無蹤! 所以主耶穌話, 聰明人房子建在磐石上, 愚拙人房子建在沙土上, 小慈小明而家完全明白呢個道理
今日我地包左架麵包車環島遊, 8 個鐘頭賣斷俾我地, 想去邊就去邊! 於是, 我地決定先去行商場買手信 :) Shopping Day!!!
今日天氣超好呀!
中國人對世界既影響力真係好大!! 我地所到之處都會見到慶祝農曆新年既裝飾, 又幾乎所有人都會對我地講普通話, 一開聲就 nĭ hăo
Shopping 要有腳骨力, 醫肚先
睇均全場都唔知食咩, Pizza 薯條穩穩陣陣, 小朋友最開心
又出奇地好味喎, 不過間間餐廳清水都收錢就真係唔係好習慣
我地 shopping 既地點就係超級市場 Big C, yeah!!!
我上次專登飛去泰國曼谷學煮泰餐就係去 Blue Elephant 學校, 估唔到而家超市都有佢既產品賣, 我掃左好多紅咖哩, 返香港又煮紅咖哩菠蘿大蝦先, 香港既紅咖哩真係冇佢咁好味架!
路過又見到 fish spa, 小慈小明即刻話要玩! 黎布吉 4 日玩左 3 次喇! 真係咁鍾意?
一人一缸
真係太多太多魚喇! 成個缸得佢一對腳, 冇辦法啦
痛苦中有快樂, 小明表情真係一絕!!
好快就適應左, 得戚到兩個係度猜包剪搥, 俾佢兩個笑 c
Shopping 第 2 站去 Pornthip Sea store, 司機叔叔極力推薦係呢度買特產
呢間舖頭似曾相識
第 3 站去 Central Festival
Yeah! 終於見到 Sawadeca 麥當奴叔叔 ^^
Sawadeca Panda
See?! 又見到中國人既威力! 泰國商場入面為大家介紹中國人慶祝新年既食品, 我地行左一個圈, 又冇蘿蔔糕, 又冇年糕芋頭糕馬蹄糕, 亦冇紅黑瓜子糖蓮子糖冬瓜煎堆角仔.... 得蒸菜肉包賣魷魚絲..... 車~~ 握鬼佬 >.<
我地都係鍾意行超市! 泰國既可樂罐形比較長, 農曆新年特別包裝 -- 喜字可樂 :)
小明話呢隻熊仔好得意叫我影相
依? 咁阿波羅 feel 既?
真係呀! 不過係炒雪糕唔係用機壓咋
先係連 yogurt 一齊啄爛 D 生果, 我地揀左士多啤梨芒果同紅莓, 拌勻再攤平等佢降低溫度凝固
夾起就食得! 同阿波羅一模一樣味呀! 正!
第 4 站我地去左神仙半島睇日落
今日天氣真係超好, 日落好靚好靚, 好大個咸蛋黃呀!!!!!!
睇住佢係地平線上消失, 感覺真係好特別! 小慈好唔捨得, 聲震震咁同太陽伯伯講 「聽日見」
掃街, 炭燒魷魚點忍得住唔食?! 我地仲買左椰青上車諗住慢慢嘆, 點知麵包車司機遲遲都唔肯關車門, 原來係唔想焗住 D 魷魚味 @.@ 原來除左榴槤, 燒魷魚都被歧視呢 >v<
晚飯時間~ 食過翻尋味, 冷氣餐廳, 我地又黎喇 ^^
水要錢, 冰反而唔駛錢! 爸爸飲可樂, 隨可樂樽附送既冰就俾左弟弟等變冰水飲 :)
last, 最後的晚餐, 我地決定豪盡佢食海鮮!! 又唔係好貴喎, 呢隻阿拉斯加長腳蟹 $1200 baht = HKD $300 咁大隻抵到爛呀!!
黑胡椒炒勁好味!!!
小朋友鍾意食魚, 我地唔知蒸左條咩魚都係 $840 baht, 好味!
好滿足呀!!!
沒有留言:
張貼留言