過海巴士司機教我地經過添馬公園再去新海濱, 講左好多次個公園用好多錢起一定要去欣賞去踩草皮, 佢仲係一個唔係佢個站既位置俾我地落車, 方便我地行過去咁話!! 巴士司機咁落力推荐, 我地梗係踩佢.... 講個塊草皮啦 ^^ 小慈無啦啦話要整心型, 明顯地要再練習下 :) 呢度真係好靚果然係地常綠, 如果天氣好清楚望埋文化中心就仲正
後面就係政府總部, 國旗區旗隨風飄揚~
Yeah!! 用左個幾鐘頭, 我地終於黎到喇!!!
香港作為國際大都會, 點可以冇摩天輪呢? 不過如果專登填海黎加隻摩天輪上去就真係太過勞師動眾, 希望唔好再填維多利亞港啦!
我地作為忠實既 AIA 客戶, 爸爸又係 AIA 職員, 原先有兩張價值 $280 包埋代幣既飛, 亦有 4 張免費入場券送俾我地, 但因為時間唔岩全部用唔著, 都係乖乖地自己俾錢入場, 大人 $125 小朋友 $90 , 1 大 2 小有 24 個代幣
今日年廿八, 幾有新年氣氛
平日, 加上仲未到放工時間都算少人
笑死我! 一個唔夠高既魔術師加有頭髮既兔仔 >v<
大「獲」呀!
忍唔住要去玩喇~~~ 挑戰一 : 極速滑梯
真係極速, 幾秒就滑左落黎, 仲要玩得一次, 超搵笨
挑戰二 : 我地要佂服呢條巨型滑梯!
兩層樓咁高真係幾震撼
抵呀呢條滑梯, 足足玩左 5 分鐘有多
跑到成身汗
嘉年華點可以冇小丑? 呢對長短腳真係好攪笑
仲有姐姐扭波波
去挑戰攤位遊戲!!
本來諗住我地學過射擊訓練玩呢個遊戲有著數啦, 點知佢地支槍個描準鏡係歪既, 我地信錯左佢
對住佢兩個真係好大壓力, 遊戲高手爸爸又返左工, 我真係 0 信心...... 好在天父都俾我神蹟地碌中隻顏色玻璃杯, 中左隻小白!!!!
梅開二度, 竟然又俾我擲銀仔中圈, 中多隻唐老鴨!! 天父你真係對我太好!! 終於唔駛再玩攤位遊戲喇, 感謝神!!
小慈真係好開心, 一影相就 show 出佢個戰利袋
無啦啦有間教堂
我地去影 3D 相, 人對眼真係好水皮, 其實我地係坐係地下靠反光鏡就影到半空既效果
開始天黑了
亮燈後, 嘉年華更有氣氛 ^^
挑戰 3 : Crazy Cars
見佢 D 車仔好靚, 又開得好似好快咁, 就坐低玩啦
點知就真係得掟兩個彎, 架車又唔郁得, 極速玩完
都係玩多次巨型滑梯穩陣, 天黑冇咩小朋友, 攤位哥哥完全冇計時, 小慈小明玩左半個鐘有多, 跳到腳軟走黎問我: 「夠鐘未呀? 我冇力喇!」 回本 ^^
開心晒 ^^
發光摩天輪仲靚
小明好想坐, 我話下次等埋爸爸先
搭船去尖沙咀, 兩姐弟怕左過海塞車
唔係講笑, 真係玩到冇晒力要叉電
滿載而歸~~
沒有留言:
張貼留言