最驚喜開心當然係小慈小明啦! 尋日都仲要返學, 今朝就話去搭飛機, 即刻唔駛掂功課書包都掟入枱底, 仲唔開心到飛起?
非常有新年氣氛既機場
搭無人駕駛列車
我地一家 8 口齊齊整整去泰國布吉, 陽光海灘我地黎喇~~~~
係機場玩飛行棋真係爽到不得了 :)
去泰國梗係搭泰航啦 ^^
上機喇~~
航機爆滿, 唯有輪流坐窗口位
顏色繽紛既座椅望到都零舍開心
超級驚喜係有自己既電視機!! 打機又得, 睇電影亦得, 得左, 又得埋 ^^
食飽就瞓既豬仔, 今朝興奮得滯太早起身! 小明瞓左, 媽媽即刻可以好專心咁睇埋套 3D 叮噹, 太感人喇~~
到喇! 一落機就 30 度, 我地好醒咁著定 T-shirt 係底, 一出機場就剝 ^^
呢架就係接我地去酒店既 Van 仔, 點到點服務最正! 多謝姑媽辛苦地為我地預備 ^8^
我地黎緊呢 5 日就係住呢間酒店
Lobby 好靚
媽媽最鍾意既雞蛋花呀! 仲有 welcome drinks
酒店依山而建, 於是有 shuttle 車我地上酒店房
幾靚 :)
不過要行晒呢條樓梯先返到入房就有 D 攞命 >v<
小明眼中只看到魚, 我對眼就去左.... Spa 呀!!
5105 係我地間房
Twin Bed, 後來爸爸將佢地拍埋一齊瞓
姑媽住係隔離, 兩間房可以打通好攪笑
舒適既露台, 最適合遲 D 曬泳衣
周圍參觀, 酒店有 3 個泳池
對住個大海游泳池水, 爽呀!
安頓完已經 4:xx, 小朋友梗係想去沙灘玩啦, 但玩得一陣太陽就落山, 到喉唔到肺, 出去行下市集吧
天氣實在太熱, 買條吱吱冰食下先! 感覺都幾攪笑, 尋日仲著緊冷衫, 今日就著短袖仲食雪條 :)
布吉其中一個好出名既沙灘 Patong Beach 芭東沙灘 ^^
望下都知 D 沙好幼~
仲一望無際添!
藍天白雲, 椰林樹影, 水清沙幼, 講得一 D 都冇錯呀 ^v^
一字排開做 massage, too open, 我接受唔到羅!
周圍好多車仔檔
想食又唔敢食, 唔知佢整左幾耐, 又冇遮冇擋
最後爺爺睇中呢檔熱辣辣燒魚, 燒到出晒煙, 又香, 應該冇問題
檔主仲送左 3 舊不知名香葉甜飯俾小朋友食, 仲有一人幾格廁紙抹嘴, 好細心
唔食唔知, 原來大家都肚餓
條魚燒得好香, 3 個孫爭住食, 爺爺突然變得好受歡迎 >v<
魚仔咬腳呀!!! 小慈小明即刻雙眼發光! 由媽媽上次去泰國試完介紹俾佢地之後, 今次終於有機會親嚐喇~~~~~
呢 D 表情反應真係無價 ^^
你開心我就開心
$1 港紙 = $4 泰銖, 即刻咩都覺得好平, 玩啦! 玩啦! 玩啦!
大家都肚餓就早 D 食飯啦! 今晚幫襯大排檔
食到出汗, 下次要搵間有冷氣既先得!
落山容易上山難, 我地決定搭 「篤篤」返酒店, 最低消費 $200 baht, 咁多人搭, 抵啦!
迷幻篤篤非常有 Disco feel ^^
出左成身汗, 最暢快莫過於沖個靚涼~
最鍾意玩泡泡, 今次個浴缸夠大夠深, 泡泡上頸
去到邊都帶住枕頭同被被, 今次仲帶埋新寵小白 & 白雪雪 :)
Sweet Dreams~~
(to be continue)
沒有留言:
張貼留言