我地之所以回鄉, 就係為著要帶嫲嫲既骨灰返去安葬! 當中係有段故事~~
話說嫲嫲病危入院, 我地旁敲側擊好多次佢都唔肯講身後事點安排. 後來, 秋秋醒起好多年之前媽媽講過話最多咪返鄉下葬係佢媽隔離, 大把位! 一語成讖, 於是我地就即刻著手籌備回鄉安葬事宜, 打個電話. 原來, 婆婆的墓地十多年前已售罄, 咁岩呢幾日就有一個位放番出黎, 原先買呢個位既人係十幾年前買定俾佢爸媽, 但呢十幾年佢爸媽仲健在之餘, 呢個人亦越來越有錢, 覺得呢個墓地唔夠堂皇, 就放番個位出黎自己起過個新墓地, 都係呢幾日既事, 就咁岩我地打電話黎問, 買到最後一個位, 仲要係孖位, 將來爺爺都有著落, 真係好奇妙呀!!!
聖誕日, 安葬日, 兩隻豬仔, 起身喇喂~~~~
上山前要預備吉儀, 中國既吉儀用紅膠袋入 $2 紅利是、毛巾同埋糖
到達墓園! 非常近市區, 15 分鐘車程, 附近仲有公交車直達, 好方便
小明話發現暴龍腳印
大力爸爸話:「夠鐘上山喇!」
行上山
我地採用基督教儀式, 所以嫲嫲個名上面有個十字架
黎送行既親戚都有好多, 睇住骨灰入土為安, 大家為嫲嫲獻花
天父用泥土造人, 人死後歸回塵土, 但感恩, 嫲嫲的靈已在天家, 將來我地一定會再見面既 :)
禮成! 大家食完解慰酒都未夠 1:00PM, 仲有時間返酒店瞓晏覺. 瞓醒仲有驚喜! 電單車主人阿瑾姨姨帶小朋友去佢屋企玩
阿瑾姨姨養左 4 隻勁 cute 既兔仔呀!
佢地仲曾經試過生 BB 添
勁開心
兔仔仲識企, 好可愛
阿瑾姨姨話最好笑係佢地玩掃地拖地, 攪左 9 個幾字, 令到天台一塵不染
有保母睇住 3 個小朋友, 咁大人當然要把握良機出街咯~
因為的士司機送左我地去錯誤既地方, 差 D 令我地同爺爺失散! 感謝天父保守, 反而造就我同老公有機會坐三輪車, 今次冇行李俾你偷架喇 >v<
見到主席習近平...... 張相 >v<
我地去邊呢? 返得大陸梗係按摩啦 ^^
收費真係好平, 我地揀左 60 分鐘推拿
貴賓雙人房
兩公婆首先浸木筒, 係溫泉水黎架! 浸完就叫師傅入黎按摩, 係大媽, 手法非常正宗, 專鑽我背脊肩胛死穴, 俾佢按完好似損左之餘仲痛左 3 日, 不過之後就好似鬆左咁.... 呢 D 都係治標唔治本啦, 要打字就點都係肩頸痛, 職業病
聖誕節梗係要食餐好野啦! 咁難得唔駛湊仔
大埔鐵板燒! 仲以為自己返左香港 ^^
師傅戴晒聖誕帽, 幾有節日氣氛
主耶穌, 生日快樂!!
沒有留言:
張貼留言