熊貓

呢個星期既主題創作係熊貓, 用圖片引起動機

小慈筆下既熊貓好無辜!  我問佢為咩事隻熊貓要坐監?
小慈即刻反我白眼: "佢打緊千秋呀!!!!"

我相信一定係好大風, 小明隻熊貓 d 毛被吹扁左  >v<

小明都係適合做手工多 d, 呢隻熊貓趣緻好多 ^^

12L

繼上次豪飲 6L 之後, 我地一大班人實在太高興, 轉戰大埔挑戰 12L !!!

 唔講得笑, 真係好大支

小慈小明示範令支 12L 更加突顯 ^^

美酒當然配佳餚, 除左 Prama Ham, Cheese, 糖心蛋, 主人家仲自製包包

外脆內軟既 Blueberry Cheese, 好味到不得了!!!

好特別既西餅, 尤其係中間既十幾卡

鮑魚, 鮑汁白菜, 咖哩牛腩配酒原來都幾唔錯架

我仲估唔到會有乳豬全體!  超驚喜

小明特別鍾意有樓梯既屋, 成晚行上行落, 佢一行, 我地全體大人即刻望到實, 好怕呢隻輪盡仔跣腳  >.<

為答謝主人家一早預備今日盛宴, 我地一人俾隻蛋佢  :)

梗係唔少得俾勁鍾意女既美瑤姨愛的抱抱啦 ^^

美酒佳餚, 良朋歡聚確係賞心樂事

飲杯~~~~~~~~~~~~~~~~  ^^

背經日

好多年都冇背過金句, 今期主日學攪左個背經日, 每級要接受既挑戰都唔同, 小慈小明年紀小只需要背 a & b, 我同秋秋就要背 a b c + 7, 8, 9....  真係, 呢個星期生日週過得咁高興, 家陣就要坐巴士咪書 >.<

幼稚級, 啟一 & 啟二班係全教會至細既小朋友, 但佢地好犀利呀, 真係背到一字不漏

小慈家姐好認真, 好大聲, 叻叻!!

大家好鍾意亦都好唔明白點解小明個嘴可以咁嘟  >8<

越大就越驚, 仲要俾人推左上前企, 小慈小明兩個望到我地實一實, 好在唔駛咪嘴背得岩咋  :p

唔認老都唔得, 不過真係要耐唔耐訓練下個腦, 背下野, 記下野, 默想神既話語更有意思!  我都係鍾意背和合本, 讀左咁多年有感情  :)

My Birthday

今日係我既生日, 我好開心, 因為今年既生日好難忘~

首先, 小慈靜雞雞一早起身畫左張生日咭俾我, 仲靜雞雞放係我床頭 ^^

弟弟知道之後, 又靜靜要小慈家姐教佢寫生日咭俾我, 小慈後來同我講: "原來弟弟識寫好多字, 唔駛教!"  哈哈哈  :)

仲有好錫我既老公傳來窩心 message  ^8^

好乖好乖, 抵帶你地出街, 好多年都冇正日同我班好朋友食生日飯

小慈好鍾意食 buffet, 仲非常鍾意食甜品

好開心既一餐生日 buffet

好趕, 好趕, 要飛的士去下一場, 我地要參加婚禮呀 ^^

識寫字既兩姐弟爭住簽名

嘉寧姐姐今日結婚呀!!!!

第一次黎呢間教堂

嘉寧姐姐今日好靚呢~

嘉寧姐姐一見到我就同我講: "生日快樂!!"  真係呢一世都記得你既結婚紀念日, 你又會以後都記得我幾時生日  :)

你睇我地城潮浸陣容幾鼎盛!!!

祝福你快快樂樂, 甜甜蜜蜜, 美滿溫馨 ^^

行完教堂婚禮仲有酒會, 好多好野食!  婷婷姐姐仲係今日既伴娘, 靚靚靚 ^^

我地仲見到葉詠詩小姐, 佢有份客串既麥兜兩姐弟睇到滾瓜爛熟

玩多陣又閃, 出門巧遇花車, 花車公仔好可愛, 好似嘉寧姐姐呀!

生日去參加婚禮已經夠特別, 我仲決定一家人去一個特別既地方繼續慶祝我生日

冇錯!!!  小慈小明第一次唱卡拉 OK !!!!!

小慈點左首生日歌唱俾我聽, 仲問我點解卡拉 OK 冇詩歌唱?!  好問題!

弟弟呢個肉緊樣真係笑瓜我喇~~~    :D

人仔細細著左爸爸件褸好可愛

唱歌唱到擘一字馬, 又跳梳化又碌地沙, high 爆!!!

唱到冇力去醫肚, 又咁岩俾我地遇到有比賽睇

第一次近距離睇冰上曲棍球比賽, 成個波飛埋個圍板度, 嚇到小慈成個彈起好刺激!

跟住仲去埋兒童天地玩, 開心到飛起啦

雖然係媽媽生日, 但見到對寶貝仔女開心, 做媽媽既梗係開心啦 ^^

涮涮煱

唔經過都唔發覺屋企附近開左間好野, 我地都鍾意打邊爐, 仲要一人一鍋實在太正喇!  最開心既當然係小慈小明啦~

小慈鍾意昆布湯底

小明鍾意蕃茄湯, 仲要嫌唔夠重口味, 自己再放多D蕃茄落去煲

你睇佢個樣幾滋味  :)

一人一鍋自己顧自己, 我同秋秋當然即刻嘆世界

整番碟長腳蟹喇, 正正正!!!

任食 90 分鐘, 臨走仲可以自己整杯乳酪羅走食, 實在太滿足喇~~~~  ^^