南丫島

復活節假期第一日, 天朗氣清, 最適合戶外活動!  我地約埋一班由細玩到大既好朋友一齊搭專船出海, 向南丫島進發!!!

第一次坐呢款船, 小慈非常勇要坐最高層, 被風吹到眼都擘唔大就開心, 可惜弟弟咳左成晚又發燒黎唔到,  等佢好番再黎多次先

好朋友巧巧

好快!  35 分鐘已經到南丫島, 後面 d 屋好似棚屋以為自己去左大澳添

醫肚時間, 三個女仔一齊坐, 好岩玩

海鮮餐呀!  正!  正!  正!

每年 4 月我地都會約埋一齊開生日會, 今年 7 小福仲齊晒人, 細佬們只欠小明一個

大家都 8 歲喇~~~~~~~~~~~~~~

食飽飽出發行山, 我地準備由索罟灣行去榕樹灣洪勝爺灘

食完餐飯, 巧巧同小慈混熟晒, 戴埋一式一樣既帽一齊行, 新生代  TWINS  :)

沙灘呀!!  未咁快, 呢個並唔係洪聖爺灣

唔知 d 婆婆收集既海藻, 係唔係就係紫菜四寶河既紫菜呢?

嘩~  發現盧文氏樹蛙!  香港特有物種, 好細, 雄蛙平均長度只有 1.5 cm，雌蛙只有 2.5 cm, 襯晒香港

樹蛙最初係赤蠟角發現, 而家已經全數搬入南丫島, 就係呢個山洞入面呀!

發現 Emergency Helpline

山火拍

三支煙囪, 我地既目標就係佢隔離個沙灘呀!

Site Map

行到身水身汗, 好在有個涼亭休息下

食支孖條最爽

到達目的地, yeah!!!

柏弦好豪氣咁瞓低叫大家埋佢, 小慈笑到碌地

復活節梗係要搵下復活蛋應節啦, 多謝 EVA 姨姨精心挑選既恐龍蛋, 亦辛苦晒熙媽熙爸收埋 d 蛋

話咁快就搵到, 叻叻叻!

大家展示戰利品

有陽光唔好徙, 三位靚女 Sunbathing 中~

太陽準備落山, 係時候回程了

好美的日落

有 feel ^^

大滿足的一天  :)

城門水塘

提摩太團一年一度戶外週今次玩轉城門水塘, 小明好驚呀, 因為佢好驚 d 馬騮會蝦佢, 不過我地團契咁多人, 咁多大隻爸爸, 唔怕啦  >.<

真係呀, 周圍都見到馬騮, 差不多每個垃圾桶都駐守一隻

不過小明都好勇要我幫佢同馬騮影相

仲估唔到呢度會有牛添!!!  近距離見到牛牛, 弟弟開心到不得了 ^^

真係幾有型呀佢地

角度既藝術, 牛牛想錫我?!

終於都有得去下 Country Park, 小慈 Science 科要學所有既 park 名稱, Country Park 有咩設施, 包括 Nature Trail, Visitor Centre, Fire Danger Warning Signal.... 等, 今日一次過見晒!

Visitor Centre - Provide visitors with information about the country park

Nature Trail - Allow visitors to go hiking and to learn more about nature

弟弟都發現左個地圖

一班小朋友準備出發喇~~

今日好熱, 32 度高溫用 d 山溪水濕濕對手真係好爽

弟弟幼稚園都學緊水的來源, 香港既食水就係靠東江水同埋水塘收集既雨水呀

城門水塘有好多百千層, 呢棵形狀好攪笑呀

弟弟叫佢做甩皮樹, 呢塊皮就甩喇等我幫下你 >v<

風景真係好靚

小明仲執到塊紅葉添

濕水雞兩隻

向大草地進發

唔知點解 d 土地會龜裂, 小明扁晒嘴

予予同小慈沙地上玩過三關

小明同喬喬草地上搵小花

超高大樹,  小明幾咁渺小

寄生樹都見埋, 真係咁都得

咁大個草地除左可以跑步, 真係非常佩服 Keynes 叔叔帶左條大繩同小朋友玩

小慈身手都唔錯啊

唔夠時間行完一個圈, 中途折返又見番 d 牛食草草

好爽呀 d 牛!  成個山既草任食

行完山好肚餓, 泰國菜酸酸辣辣係最佳既選擇

離遠睇實在好似 Hello Kitty, 其實佢係椰青焗飯黎既

飯後仲有音樂噴泉, 叫弟弟擺個超有型 pose 佢就攪成咁, 笑死人喇 ^^