好老公

3月中呢個星期, 非常非常既淹悶, 冇陽光, 日日個天都黑沉沉, 春回大地濕到牆都出水, 成個身好重好重好似想病咁  v_v

再加上小慈測驗周, 每日都趕返屋企同佢溫書溫書溫書, 小慈小姐慢吞吞懶懶閒, 幾次同佢溫書我悶到瞓左.....

唯一既樂事就係我有個好老公!  呢個替更賓仔洗衫買餸日日煮飯, 最令我感動既係佢並唔係求其是但煮, 而係會上網搵食譜!  呢個星期已經成功挑戰粒粒黃金叉燒炒飯, 酥炸蒜香雞翼 and 椒鹽鮮魷, 仲識煲老黃瓜陳腎赤小豆扁豆排骨湯, 真係要俾 10 個叻佢!!!!

賓仔努力切魷魚中~~

話咁快, 椒鹽鮮魷 & 蝦醬西蘭花炒魷已經上碟 ^^

好好好好味呀~~~~~~~~~~~~~~~~

多謝你, 老公!  你精心炮製既美食, 為陰沉既天氣以及沉悶既日子, 注入左好多生氣同埋活力!!!

好日子黎緊喇, 因為終於測完驗, 同埋, 太陽出黎喇~~~~~~  YEAH!!!!

Love you 秋秋  ^8^