小明的同學仔
好同學吳綺澄
班主任葉老師 and 鄭老師
以往係要樂園開門前 1 個鐘頭入去企係火車站樓梯影相, 今年有 d 新攪作, 開門之後入去都得, 因為地點轉左去米奇金像劇門口, 影幾耐都得
尋日仲係 15 度, 今日竟然陽光普照氣溫高達 26 度, 曬到佢地一班仔個個頭頂出汗, 影相影到矇晒眼, 吱都唔笑 >.<
影完大合照就係自由時間! 難得學校借套畢業袍俾我地影相, 梗係唔好徙, 帶住弟弟周圍影 :)
首先遇見頑皮既 Tinker Bell, 佢一輪嘴同弟弟講英文, 小明聽唔切唔識反應不過都識做動作同佢玩
跟住去搵 Woody
Woody 要 12:00 先出場, Jessie 都殺
等緊幻想世界花園開門時, 同弟弟快手玩轉灰姑娘旋轉木馬, 著住件畢業袍上馬真係好有型
第一時間去搵 Mickey, 佢係咁攪小明頂 Mickey 帽, 好攪笑
Minnie 對住小明又拍手又啜佢一啖咁恭喜佢畢業 ^^
一見到 Pluto 小明起勢 fing 佢隻耳仔, Pluto 竟然唔郁任佢玩
笑到弟弟 c c 下
超高大既高飛任何人拍埋都變小矮人
親民既 Pooh Pooh 對弟弟又攬又錫
影完相終於可以除低件畢業袍, 弟弟已經急不及待去玩森林河流之旅, 今日人少可以連續玩兩次, 不過車仔都係要排 45 分鐘, 我地非常有策略地買外賣一邊排隊一邊食 lunch
突然驚覺小明高大左唔知玩唔玩到 space mountain? 高度要求原來只係 102 cm 難唔到佢啦! 於是根本唔知 space mountain 為何物既佢, high 爆咁俾我起勢讚佢好叻呀夠高可以玩喇咁 "握" 左入去玩烏卒卒過山車, 我好耐冇玩原來車速都好快又勁轉彎, 小明全程合埋眼咁玩於是出到黎又話又撞到個頭又話勁頭暈, c 都唔肯再玩多次! 不過佢都算叻, 小明有個女同學玩完出黎爆喊架 >_<
夠鐘喇, 夠鐘喇! 排隊睇巡遊, 每間學校派一個畢業代表上車加入巡遊路線, 等候之際迪士尼姐姐送左張大大貼紙俾弟弟, 開心 ^^
出場喇!! 不過葉老師坐左係車既另一邊, 見唔到佢個樣添
好耐都冇由頭到尾睇一次巡遊, 原來 d 姐姐扮 Jessie 係要點埋 d 雀斑
又去玩 lu~~~~~~~~~~~
鬼馬的小明
Y stands for Young Man ^^
傘兵都只係排 30 分鐘, 好爽呀!
迷離莊園都只係 10 分鐘, 正!
路過灰熊山谷見埋 Chip & Dale, 迪士尼主要角色都影晒, 好高興呀 :)
弟弟想玩既野已經玩晒, 連泰山樹屋都要去! 我地發現只要一 fing 手, 花豹就會即刻叫
非常抗拒 3D Mickey 既小慈家姐今日唔係度, 我地玩到冇野玩, 於是我問弟弟想唔想睇 3D Mickey? 弟弟好肯玩仲覺得好好玩, encore 兩次都仲想再去, 非常鍾意 Donald 俾人射入幅牆入面得番個 pat pat
咁多時間剩就去大街行下啦
擺 pose 影下 castle 先
應承弟弟由朝玩到天黑睇埋煙花先走, 可惜突然一場大霧, 咩花都睇唔到
真係經典, 成個 castle 唔見左!!!
好迷幻既火車站
迪士尼, 下次見!!
當年小慈家姐又係有張米奇畢業證書 and 大合照, 一人一張好高興
Happy Day ^^ 再一次恭喜郭恩明!!
沒有留言:
張貼留言