校際音樂節

3 歲開始彈 do me so, 去到 5 歲半 K3 先正式跟琴老師學傳統鋼琴, 我唔係一個催谷既家長, 唔駛趕住幾多歲考幾多級個隻, 只係我突然驚覺小慈已經 2 年級, 不如試下玩校際音樂節, 表演多 D 練大個膽啦!  練一首歌就考得, 有參加又可以寫落成績表, 幾好丫!  於是膽粗粗同小慈報名, 小慈都唔知發生咩事, 不過見好多同學都有報名參加就想試下~

今日就係比賽既日子, 專登同學校請半日假, 因為小慈係需要 warm up 既人, 都係屋企練習下先出場免得失禮街坊, 一個唔覺意令小慈對音樂節表演有壞印象就唔好麻  :P   好緊張既係我, 臨出門口都仲聽見佢有彈錯音, 我真係好驚小慈會炒, 又或者臨門縮沙大喊唔肯比賽, 就係佢試過我先咁驚, 個心七上八落......   呼~~~  好在好在!  源途見到好多同學仔一齊比賽, 小慈又 natural high 成朝笑咪咪, 仲同我講話 "媽媽陪住我一齊我就唔驚!"  ^^

終於, 小慈順利完成比賽, 都有彈錯一粒音, 所有大細聲效冇晒, 身體搖擺又冇埋, 不過我見佢笑住咁上台鞠躬, 起手彈晒成首歌, 笑住咁鞠躬落台我真係好開心, 即刻豎起兩隻手指公俾佢!  我個女, 有勇氣!!!!!!

冠軍 90 分, 亞軍 89 分, 季軍 88, 小慈第一次參加有 merit 我已經勁開心 ^^

評判評語:

This is coming on well and you are finding your way around.  Keep it really steady now and at a pace you feel comfortable.  Use all the dynamics fully.

好叻呀, 小慈!  媽媽真係好開心!  非常欣賞你既努力, 勇氣, 表現出對音樂有熱誠, 對自己有要求, 有進步!!

明年再戰 ^^