小二親子旅行

作為家教會委員, 今年係我第二年幫手攪親子旅行!  我要做野, 為免疏忽照顧兒童, 今年都係淨係帶小慈一個, 弟弟聽到直情想喊, 我即刻安慰佢: "遲 d 你 K3 畢業既迪士尼畢業慶典我都淨係帶你一個, 小慈家姐都冇份去啦!  一人一次唔准扭計, ok?"  弟弟先至釋懷, 仲即刻話小慈家姐個日仲慘呀天黑都未見到媽媽因為我地會玩到迪士尼關門先走!  冇辦法啦, 個日係平日, 小慈家姐要返學真係冇計

所以, 一早帶小慈出發幫手做小車長要點名, 你睇佢幾開心

我地第一站去大尾篤船灣淡水湖, 呢度係出名既踏單車勝地連廁所都特色過人

狗仔游狗仔式引起小朋友無限驚喜

小慈唔係好多同班同學參加, 所以連班主任都冇報名  >.<
左起: 潘嘉敏, 郭恩慈, 黃柏陶, 傅旭謙, 吳君翹, 鄧旨謙

5 號車大合照, 今年低小有 430 人參加場面墟陷

葉副校長和老師們, 培基既老師都好後生呢

今日天氣好好, 海天一色

我與我的乖女 ^^

二愛班的三位女孩子, 中間係插班生王元熙

大步走

籌備一個親子旅行, 由搵行程搵旅遊公司, 交收學生報名表, 入資料入支票, 編車編枱, 仲有最辛苦呢餐午餐, 因為食飯加人人有份大抽獎, 要買差不多200份禮物真的一點不容易

小慈對 d 禮物虎視眈眈, 今年都算大手筆架

又話人人有份, 小慈等左好耐都未到抽到佢不知幾失望, 點知好戲在後頭, 小慈係抽到終極大獎!!!!  由葉副校長頒獎 ^^

$300 玩具禮券, 小慈你想買咩玩具都得啦  :)

第二站我地黎到中大, 爸爸間大學呀  :)
大學之道 在明明德 在親民 在止於至善

我都好耐好耐冇黎過喇!  呢條百萬大道, 當年秋住宿舍時成日都經過

經典既碧秋樓, 梗係要影張相啦呀女, 你咪就係小碧秋咯 ^^

鄧旨謙好照顧小慈架

小慈好鍾意中大, 不停話呢度好靚, 好舒服

穿過最出名既中門, 將來就會 First Hon 畢業喎~

第三站我地黎到錦田, 呢條係出名既便母橋, 康熙時代已經有, 仲翻新過添

參觀出名既樹屋

好耐冇黎過錦田鄉村俱樂部

 翻新過, 多左好多野玩!  第一次摘番茄

好易摘, 小慈剪左番茄一家三口

收獲豐富, 承惠 $40

呢隻山羊好攪笑, 佢唔鍾意食要俾錢買既椰菜反而鍾意食雜草, 攪到成班小朋友係後面塊田度不停除雜草餵佢

去錦田差不多一定要玩呢個彈床, $20 / 10 分鐘, 每人心口貼張寫左時間既 label, 冇得奸賴

新遊戲呢隻識唱歌又識自己行既熊貓, 小慈勁鍾意, 不過好貴!  $40 行一個圈咋

做手工時間, 呢個姨姨非常好心機教小慈整水晶球

整左隻迷離兵阿的, 小慈鍾意到不得了話一定要同弟弟分享

與嚴主任合照, 小慈話佢成日係學校講英文架

非常高既黃校長, 溫文儒雅

教小慈數學既 Mr Fung 非常似鄧英敏

心情愉快地袋住個大大獎, 一袋番茄, 再加隻迷離兵水晶球滿載而歸 ^^