天象廳

爸爸星期六要去尖沙咀返工, 小慈都要出太子學跳舞, 於是我心血來潮想去太空館, 早前搭車經過見到佢門口隻長毛象好吸引, 天象廳做緊冰河巨獸應該岩小慈小明睇掛?!

以前試過即慶去買飛, 點知要等 5 個鐘先有位睇, 唔擔心就假, 於是送左小慈家姐去上堂就即刻飛車出去, 梗係買到啦, 仲有得揀位感覺良好

小明竟然要求同國旗區旗影相, 可能因為近來生字寫國旗既緣故 ^^

有時間, 同小明影下寫真先

上次睇既幻彩詠香江, 就係身後呢幾支大炮射出雷射光, 小明覺得好有趣

好多船呀!  好大隻船呀!!

鐘樓, 我地又見面喇~

小明要求影我地既 shadow

超大隻船泊岸, 小明話好想上去睇下, 我其實都想

呢架巴士外型好特別

Yeah, 就係呢隻長毛象!  邊個話宣傳唔重要?  唔係佢, 靠後面個張 banner 我未必會入場

心理準備 - 太空館係一隻蛋, 我地而家就準備入去隻蛋度睇電影, 平時睇戲係望前面睇, 而家我地係隻蛋入面望上天花板睇, 成個屏幕係你頭殼頂

小慈反應好快: "咁我地係咪訓低睇?"  都訓訓地架  :)

好心急呀!  成個天花板都係長毛象呀  >v<

成張飛機椅咁, 兩姐弟當自己搭緊飛機  ^^  旁邊又有無線耳筒, 你想揀咩語言都得, 興奮的小慈玩左好耐, 太鍾意個耳筒, 就算係粵語旁白佢都堅持要戴耳筒聽廣東話, 話大聲 d 喎, 笑到我死死下, 傻妹

冰河巨獸內容都係太深, 不過佢地知道長毛象其實叫猛獁象, 即冰河世紀入面個隻文輝, 即 2013年 4 月去 IFC 展出既長毛象 BB 女 Lyuba 都係同一品種!  當年 Lyuba 得一個月大跌落河溺斃冰封 4 萬年, 好多長毛象都係因為飲水食草而跌落河, 跌落陡峭既溫泉, 被困泥沼澤先得以保全成為今日既化石

睇得 40 分鐘唔夠皮, 梗係玩埋太空館啦

月球既表面

今日人少少仲可以去玩滑翔機

撞山係少不免既

兩姐弟對天象廳既印象唔差, 不過仰高頭睇 40 分鐘, 屏幕又大都真係有 d 眼花, 隔一段時間再睇過 ^^