電腦

班主任話小慈需要立體地學習, 唔可以俾佢雙手得閒, 俾 d 野佢做下等佢專注力強 d ...... 真係好抽象, 中英數三科都弱, 數學都話可以立體下, 例如教時間都可以俾個鬧鐘佢扭扭下學得上心 d, 中文英文, 點立體呢?

正當我苦惱緊係咪要幫小慈搵補習, 秋秋已經二話不說就幫小慈砌左部電腦!!  導火線係小慈有份常識功課要上網搵資料, 就藉此機會俾埋部電腦佢, 仲教埋佢打網址入 password 做網上練習

學校提供左好多有趣既學習網, 中英數都有, 只係之前小慈做功課太慢, 仲要溫書, 何來時間上網呢?  嘩~  砌左部機完全唔同晒, 大大部電腦放係小慈面前, 小慈做功課快左好多, 因為佢要把握時間上網, 打下 keyboard, click 下 mouse, 雙手忙碌, 完全立體化學習, 小慈勁積極又做得開心!  爸爸, 你係得既!

家庭既英文 FAMILY = Father And Mother I Love You

父親有父親既重要, 母親有母親既重要, 缺少其一都會對小朋友心理有嚴重影響, 特別係父女既關系, 作為佢生命中第一位男性, 父女關係好會令女兒初步懂得怎樣與異性相處及如何維持異性之間既關系, 在不自覺中影響了女孩的擇偶標准、性格和氣質, 所以, 你何止係司機??

小慈, 爸爸好錫你, 你要努力呀!!!!