雙料情人節

今日好特別, 中國元宵節同西方情人節同一日出現

19 年先出現一次, 對上一次, 我同秋秋岩岩拍拖, 我仲親自操刀畫左幅畫寫左 d 野送俾佢, 買左套地鐵出既情人節紀念咭, 出去食左餐飯咁羅  :)

咁快就 19 年過去, 我地由二變四, 每日都過得好充實時間快到唔夠用, 一轉眼小明都 5 歲, 小慈仲就黎 8 歲添!  諗起我所擁有既, 滿心歡喜快樂感謝神~

聽聞今晚晚餐冇 4 位數字都落唔到樓, 又天寒地凍得 7 度, 放工都係極速返屋企攬住對仔女, 錫下個老公係正經 ^^

I Love My Family   ^8^

是日驚喜 ~~  秋秋親自下廚加料煮鹵水鴨舌 and 清酒煮大蜆, yummy yummy !!!

今日收到好多 WhatsApp 情人節祝福短訊, 我笑到肚痛既一篇文章

仲有最好既祝福

Happy Valentine's Day with Your Loved Ones ^^

I Love you, Grace, Young Man and Richard  ^8^

Sweet Girl

由小慈識執筆開始, 佢就成日都寫呢樣畫個樣俾我地

到而家讀小學識多幾隻字, 就轉左寫字條俾我地

呢張係爸爸走左去小睡片刻, 小慈想叫爸爸起身食飯又唔敢嘈醒佢時寫既

呢張係我地夜返屋企時, 小慈留俾我地既宵夜 ^^

呢張係我吩咐小慈溫默書寫生字, 但小慈做唔晒於是寫紙仔同我講對唔住, 仲要 3 個感嘆號加扁晒嘴想喊既表情圖, 所以我原諒佢個對字寫錯左  :)

仲有呢個高科技產品, 小慈爸爸 send WhatsApp 催我返屋企食飯, 小慈竟然問爸爸羅個電話又 send message 俾我, 個句 "小慈好掛住你" 係小慈寫既  ^^

小慈女真係好 sweet 好可愛啊~~~

舊相

有朋友俾番張經典相我, 仲話張相已經 keep 左係佢手機幾年, 因為太可愛而唔捨得 delete, 氹得呀媽我開心非常 ^v^

兩歲既小明真係得意到爆 ^^

我仲好記得呢件衫我非常鍾意, 所以由小慈傳俾弟弟

兩歲半既小慈

越長大更加發覺佢地細個真係好得意, 舊相越睇越有味道, 百看不厭  ^^

真係唔捨得佢地長大.....

馬年第一次獻詩

兒童詩班馬年第一次獻詩, 農曆年假日日瞓到晏一晏, 好在今朝早起又好合作, 綵排時仲古靈精怪添

正式獻唱:  天父的皮鞋 AND 讚美祢千萬句

歌詞

去片~~

天父的皮鞋

水餃團拜

多謝大家賞面, 秋記水餃初九啟市 ^^

等食中既小朋友梗係玩住先啦!  今日仲有個神秘嘉賓 -- 小慈既同學仔琪琪 ^^  人同人之間既緣份真係好奇妙

係咪發覺完全唔見小明呢?  事源係幾個女孩子好岩玩, 於是冷落左弟弟, 小明嬲到走左入房瞓  >.<

開餐喇~~~~  大廚秋秋今日包左 250 隻水餃, 勁勁勁, 摩打手!

仲有 8 級琴師即席演奏, 兩個妹妹睇到眼定定, 真係好犀利呀!

食飽飽齊齊睇電視, 係要佢地定晒格先可以影晒咁多位大小朋友  :)

友誼可貴, 出年再黎呀!

好同學

聖誕節前, 小明同澄澄呢兩位好同學已經秘密協議你上我屋企我上你屋企玩, 奈何聖誕係 peak season 太多節目根本唔得閒留係屋企, 於是約到新年先約得成 >v<  小明知道澄澄今晚上黎, 個樣緊張到即刻全屋周圍走, 又話要羅呢樣又話要羅個樣俾澄澄睇, 而澄澄就成日都微微笑微微笑咁, 佢兩個真係好得意呀!!!

鱷魚先生一家係招呼朋友既最佳玩具

又要驚又要玩

妹妹完全唔中計

於是小慈姐姐不停用毛公仔狗狗氹佢開心 ^^

小朋友既友誼好珍貴~

探貓

趁住新年拜年呢個好機會, 我地第一次去阿 B 姨姨同 Wilie 叔叔屋企  :)  久聞佢地有 4 隻貓, 因為係領養番黎既, 所以呢 4 隻家貓熟口熟面, 同舅父個 10 隻貓好似呀!

試抱貓貓, 呢隻 BB 最乖, 小慈個表情好攪笑

貓貓怕羞, 白色靚女貓叫 Little 由始至終冇離開過櫈底, 阿 B 姨姨出盡法寶俾小慈小明埋貓貓身, 成包貓零食俾左弟弟

 真係俾兩姐弟笑死, 整左條零食路出黎打算引貓出櫈  >v<

MiniMe 最勇敢, 係得佢一隻敢食, 於是小慈小明不停餵佢, 希望佢唔會食到肚仔痛啦

小明幫 MiniMe 改左個名叫佢大佬, 因為佢係第一隻貓黎到阿 B 姨姨同 Wilie 叔叔屋企

乜我似大佬咩........

Wilie 叔叔教弟弟自然 d, 唔好理 d 貓佢地就會落黎架喇, 於是小明扮 "哼" 擰轉身, 希望天花板既金草米會跳落黎  ^^

困佢地出露台可能會見效 d, 太嘈既兩姐弟, 哈哈哈哈~~~~

多謝你地招呼呀, 希望小慈小明冇嚇親你地同埋 4 隻貓咪啦 ^^

年初三團拜

提摩太團今日好熱鬧, 崇拜完一行 30 人一齊飲完茶再出發去團拜!  小明醒醒目目著件黃色賀年戰衣逗利是, 呢件戰衣抵呀, 一件著足三年  :)  不過今日成 26 度熱得滯好快除淨件底衫

第一站去團長屋企, 唐樓果然名不虛傳, 超大呀!!!

仲有個小露台

景觀開揚仲非常近教會添, 好正!

素文姨姨派雪糕

好味呀!

打機就特別投契既小朋友

第二站去 Tim 叔叔屋企

成班小朋友係度玩經典兒時玩意 -- 吹波波

嘈到拆天

第三站去倪會佐屋企, 倪伯母整既糕真係好好好好味, 我地係咁食食食食呀!!!!

大人有大人係度食, 小朋友就係隔離屋玩音樂椅, 睇電視, 自得其樂

一日走三場, 三十人一齊拜年逼爆屋企既感覺真係好爽, 教會大家庭真係好開心 ^^

大年初二單車日

團拜既好處就係一次過拜晒年, 於是年初二已經好得閒!  天氣好唔好浪費, 今日決定進行戶外活動, 落公園竟然偶遇財神大派利是, 真係住係度咁多年第一次見到佢 ^^

學識踩單車既小慈車不離手, 一有機會就話要踩, 熱身中~

樓下公園只係熱身, 我地俾左個驚喜兩姐弟, 帶佢地去名符其實既單車公園踩單車

新年梗係要開心到笑口常開  ^^

兒童單車場好闊落, 地下有小斜坡碌上碌落已經覺得好刺激

殊不知驚喜陸續有來, 另一邊箱既歷奇單車場有晒箭嘴又有公路咁, 兩姐弟開心到雙眼發晒光!

呢條大斜路幫弟弟克服左上次長洲落斜炒車既童年陰影

考技術時間, 窄路開車

終於踩到上山頂, 環境唔錯呀呢度, 人少少任踩唔嬲

熱愛大自然既小明發現馬尾草, 非常好心機地幫所有草播種

小慈家姐一齊黎呀~~

練大左個膽, 踩出街都得

踩單車睇風景既小明發現橋底有小白鷺

仲有呢隻不知名雀仔

踩到冇力要補充番, 朱古力火鍋棉花糖, 超好味!!

近來愛上洗碗既小明

出身汗食飽飽, 係時候要眠一眠抖一抖, 踩單車消耗甚大, 瞓晏覺連小慈都要瞓兩個半鐘真係估唔到!  好好玩, 又完全免費, 下次要再去!