琳琳姐姐今日有神秘玩意, 動用好多架生添
就係呢幾盒食材喇
將所有色粉開水
真係好神奇, 我仲以為係輕粘土之類, 原來真係食得落肚架
像真度好高既壽司, 原來係糖黎架
仲有呢碟, 漢堡包有漢堡包味, 薯條有薯條味, 好厲害!!
玩完唔夠皮仲去公園放電添
成個公園 d 樹葉俾佢地執晒
2014年2月24日 星期一
2014年2月23日 星期日
豪飲
恨左去美麗姨姨同 Peter 叔叔屋企好耐, 今晚心願達成 ^^
小明最掛住既就係個花園同埋兩個大魚缸
第一次黎燒野食, 小慈小明扮幫手透爐
黎到先知原來今晚係紅酒大會, 呢支 6 L 既紅酒唔講得笑, 差 d 大過小明
除左去飲宴平時真係冇咩機會飲酒, 仲要兩公婆對飲更加未試過, 因秋秋通常都要揸車! 機會難逢, 小慈幫我地影左張相 :)
飲酒點可以冇佐酒小食? 今晚你諗得出既連咖哩魚蛋都有! 幾 high 呀, 我第一次用鵝肝醬梳打餅 Pama Ham 各類芝士黎送紅酒, 仲有超靚羊架牛扒, 真係飽到行唔郁 ^^
飲杯~~~~~~~~~~~~
呢隻衰秋真人不露相, 今晚唔駛揸車咩都隊晒落肚, 芝華士 Vodka 白蘭地 紅酒 白酒 連普洱都飲埋 >v<
我就好鍾意美麗同 Peter 手上呢壺咖啡酒, 我飲左兩杯就 wing 喇
今晚我地 10 pair 夫婦 KO 左呢度咁多支酒
男子組一人一支吉樽, 勁 man 呀
女子組最細既婷婷同茜儀都訓練有素, 由細飲到大
不醉無歸
今晚真係好開心, 已經約定下一次要 KO 支 12 L 喇, 哈哈哈哈哈~~~~~~~~~
小明最掛住既就係個花園同埋兩個大魚缸
第一次黎燒野食, 小慈小明扮幫手透爐
黎到先知原來今晚係紅酒大會, 呢支 6 L 既紅酒唔講得笑, 差 d 大過小明
除左去飲宴平時真係冇咩機會飲酒, 仲要兩公婆對飲更加未試過, 因秋秋通常都要揸車! 機會難逢, 小慈幫我地影左張相 :)
飲酒點可以冇佐酒小食? 今晚你諗得出既連咖哩魚蛋都有! 幾 high 呀, 我第一次用鵝肝醬梳打餅 Pama Ham 各類芝士黎送紅酒, 仲有超靚羊架牛扒, 真係飽到行唔郁 ^^
飲杯~~~~~~~~~~~~
呢隻衰秋真人不露相, 今晚唔駛揸車咩都隊晒落肚, 芝華士 Vodka 白蘭地 紅酒 白酒 連普洱都飲埋 >v<
我就好鍾意美麗同 Peter 手上呢壺咖啡酒, 我飲左兩杯就 wing 喇
今晚我地 10 pair 夫婦 KO 左呢度咁多支酒
男子組一人一支吉樽, 勁 man 呀
女子組最細既婷婷同茜儀都訓練有素, 由細飲到大
不醉無歸
今晚真係好開心, 已經約定下一次要 KO 支 12 L 喇, 哈哈哈哈哈~~~~~~~~~
2014年2月22日 星期六
2014年2月21日 星期五
2014年2月16日 星期日
小明 K3 上學期家長日
今朝到小明見家長, 我就乘機影下弟弟班房
呢個係郭恩明自畫像
生果籃
呢個月既專題研習講緊中國文化
主題網
一人畫一個臉譜
葉老師盛讚恩明, 話佢畫呢個臉譜畫得好有心機好細緻, 由以前一聽到畫畫會坐左係度完全唔郁話唔識畫, 到而家有自己既想法有主見, 表現出有信心, 全班得佢一個畫臉譜有鬍鬚咋!
葉老師話今年既 K3 班好特別, 大部份都係 10-12月出世年紀偏細既細仔, 全班都唔喜歡靜態及不停重覆既活動例如寫字 & 跳舞, 會怕悶, 怕辛苦, 嗌攰, 冇毅力, 其中既表表者仲係恩明添!! 佢近來仲比較喜歡同人拗頸, 投訴, 講野好勞氣, 會講好多大道理教訓同學, 做錯事又會有好多藉口推卸責任..... 不過, 佢都算係班入面乖個 d, 因為老師話佢會聽, 肯改, 好聰明
上堂好主動, 特別上外籍老師 Mr Jack 既英文堂, 同學仔一般都只係聽到單字, 恩明聽得明又識得多, 成日都出去做示範, Mr Jack 又會讚佢令佢更加鍾意上英文堂. 普通話又有進步冇以前咁抗拒, 終於都聽得明老師講咩. 特別喜愛雙手操作既活動, 例如科學角, 十分有研究精神好鍾意做實驗
自理能力都合格, 需要改善食飯講野既問題, 太鍾意傾偈又有對手陪佢, 不過人地協調到一邊食飯一邊傾偈, 恩明就係大家開始執碗離座, 要老師用激將法 (食得快就有得玩, 你自己傻豬徙時間蠢左放棄機會架咋) 佢先發力食埋碗飯, 次次都係尾個幾個食完.... 大致上都唔錯既, 改善成日投訴好易勞氣激動既態度, 唔怕辛苦有毅力完成挑戰就 very good!
聽到未呀, 恩明?
呢個係郭恩明自畫像
生果籃
呢個月既專題研習講緊中國文化
主題網
一人畫一個臉譜
葉老師盛讚恩明, 話佢畫呢個臉譜畫得好有心機好細緻, 由以前一聽到畫畫會坐左係度完全唔郁話唔識畫, 到而家有自己既想法有主見, 表現出有信心, 全班得佢一個畫臉譜有鬍鬚咋!
葉老師話今年既 K3 班好特別, 大部份都係 10-12月出世年紀偏細既細仔, 全班都唔喜歡靜態及不停重覆既活動例如寫字 & 跳舞, 會怕悶, 怕辛苦, 嗌攰, 冇毅力, 其中既表表者仲係恩明添!! 佢近來仲比較喜歡同人拗頸, 投訴, 講野好勞氣, 會講好多大道理教訓同學, 做錯事又會有好多藉口推卸責任..... 不過, 佢都算係班入面乖個 d, 因為老師話佢會聽, 肯改, 好聰明
上堂好主動, 特別上外籍老師 Mr Jack 既英文堂, 同學仔一般都只係聽到單字, 恩明聽得明又識得多, 成日都出去做示範, Mr Jack 又會讚佢令佢更加鍾意上英文堂. 普通話又有進步冇以前咁抗拒, 終於都聽得明老師講咩. 特別喜愛雙手操作既活動, 例如科學角, 十分有研究精神好鍾意做實驗
自理能力都合格, 需要改善食飯講野既問題, 太鍾意傾偈又有對手陪佢, 不過人地協調到一邊食飯一邊傾偈, 恩明就係大家開始執碗離座, 要老師用激將法 (食得快就有得玩, 你自己傻豬徙時間蠢左放棄機會架咋) 佢先發力食埋碗飯, 次次都係尾個幾個食完.... 大致上都唔錯既, 改善成日投訴好易勞氣激動既態度, 唔怕辛苦有毅力完成挑戰就 very good!
聽到未呀, 恩明?
識得笑其實好好笑
弟弟係一個非常精靈, 好醒目, 反應好快既人, 我好鍾意同佢傾偈, 佢有時出其不意咁爆一兩句說話出黎真係笑到我反肚 >v< 趁我呢個大矇媽媽未失憶之前寫低佢先~
(1)
兩姐弟都好鍾意食煎太陽蛋, 把握機會教小慈, 太陽蛋英文係 sunshine egg, 烚蛋係 boiled egg, 炒蛋係 stir fried egg, 蛋白叫 egg white, 蛋黃.... 弟弟大叫 EGG YELLOW!!
(2)
食晚飯, 弟弟遙指: "我想食個 d 白色西蘭花"
......... 其實個 d 係椰菜花啦~
(3)
小明問: "咩味最好味呀, 媽媽?"
我: "甜味?"
小明: "人情味最好味呀!"
我: "係咪真係咁解架?"
(4)
弟弟好鍾意佢自己張被仔, 今日好早就自己碌上床瞓, 我埋去裝下佢, 佢答: "我真係眼瞓, 唔係咋弟架! 我無時無刻都要帶住我張被被架!" 咩叫咋弟又識, 連無時無刻都識用, 厲害厲害!
(5)
教英文, 消防員 fireman, 醫生 doctor, 老師 teacher, 警察 policeman, 好叻喎! 咁女警察呢? 弟弟好大聲答: POLICE MADAM!!!
(6)
晚飯中, 小慈: "媽媽, 今日咩湯呀?"
我飲左一啖, "似係無花果喎!"
弟弟: "好似係蘋果雪梨呀! What soup is that, Vicky 姐姐?"
Vicky: "Apple Pear Soup"
我: "勁喎, 弟弟!"
弟弟: "雖然我個鼻塞左, 但我條脷冇事所以飲得出!"
(7)
教小慈家姐做功課時最鍾意加嘴, 我教 shirt, 弟弟會問: "做咩教小慈家姐壞人 Zerg 呀?" 教時間, 8:00am 返學 3:00pm 放學用左幾多小時呀? 小慈答: " 7 小時" 弟弟: "7 小慈???? 用左 7 個小慈??"
(8)
平時朝早送完小慈家姐上校車返學我就返工, 今日放假我就返番屋企, 諗住弟弟未瞓醒我就入房整 d 野, 突然間, 弟弟企係房門口......
我: "早晨, 弟弟! 你點知我係屋企既?"
弟: "我聽到你流鼻水「雪」一聲咪知係你羅!"
我 (大笑): "咁你都認到??!!!"
弟: "係呀, 你地個個都唔同聲架! 爸爸低音 d 「葛」, 小慈家姐同我把聲差唔多"
我: "好野, 好野! 佩服, 佩服!"
弟: "媽媽, 你係咪唔駛返工呀? 可唔可以送我返學呀?"
我: "唔係姐姐送你咩?" (我其實係預左送佢不過想睇下佢咩反應 >v<)
弟: "唔係呀! 我想你送我呀咁難得!"
我: :"好啦, 你連難得都識就送你啦!"
沿途見到咩就講下, 弟弟問點解有咁多人排隊?
我: "巴士站黎架, d 人排隊等搭巴士返工羅! 媽媽平時都係咁啦, 不過今日放假之麻!"
弟: "如果巴士站有 fast pass 佢地咪唔駛排得咁辛苦羅!"
我: "你估迪士尼咩? 不過呢個都係一個好主意!" ^^
(9)
每晚臨瞓前講聖經故事, 今晚講到聖誕節耶穌出世, 我講題外話, 耶穌係神既兒子, 我相信佢應該由細到大都係一個好乖好乖既小朋友, 食飽瞓瞓飽食, 好聽話仲可能會成日笑, 應該好好湊! 弟弟反應奇快: "媽媽, 你唔可以咁講架! 你唔可以講主耶穌壞話話佢「好臭」架!!!"
(10)
臨瞓前都會祈禱, 由初初要弟弟領禱時佢只係識講: "親愛既天父, 多謝祢俾我地有咁好既一日", 到而家會要求自己祈晒成個禱, 佢今日係咁講既:
"親愛既天父, 多謝你俾我有智慧, 我返學返得好開心, 我今日上左普通話堂, 我已經有智慧聽得明老師講既野, 求祢繼續保守我. 我有 d 咳又有乞嚏又有好多痰, 唔食得芒果, 我好想食芒果, 求天父祢俾我快 d 好番可以同爸爸一齊食芒果! 爸爸媽媽聽日都要返工, 求祢俾佢地返工都有智慧. 小慈家姐同我而家都要瞓覺喇, 求祢派天使黎我地屋企保護我地, 叫我地一覺瞓天光, 就算要發夢都要發 d 好夢唔好發 d 壞夢, 俾我地聽日精精神神健健康康咁返學, 多謝祢聽我地既祈禱, 奉主耶穌基督聖名祈求, 阿門!"
係小明心目中, d 野唔係好既就係壞既, 所以佢個 d 叫壞夢而唔係惡夢 >< 仲有, 我都係第一次聽到人為一個芒果而祈禱, 真係忍唔住笑左出黎 ^o^
(11)
睇緊天氣報告話會落雨, 我就教落好細雨可以叫微微雨, 落雨落得好勁就叫暴雨, 天文台仲分黃雨紅雨黑雨. 出大太陽好曬你又唔呢埋就叫暴曬, 弟弟搶答: "可以叫陽光好猛烈!" 勁喎, 好猛烈都識! 大風又係, 好大風可以叫暴風, 有個暴字個 d 都係好勁好強好嚴重咁既意思.... 於是弟弟一臉天真咁問我: "暴龍係咪就係因為佢步行得好用力呀?" 哈哈哈哈
(12)
爸爸唔覺意撞到我, 我大聲呼叫 "喂! 做咩摸我 pat pat!!" 爸爸都未答弟弟就搶答: "佢係你老公黎架! 咁介意!" 衰得佢仲搖搖頭 @.@
I Love my Son ^^
(1)
兩姐弟都好鍾意食煎太陽蛋, 把握機會教小慈, 太陽蛋英文係 sunshine egg, 烚蛋係 boiled egg, 炒蛋係 stir fried egg, 蛋白叫 egg white, 蛋黃.... 弟弟大叫 EGG YELLOW!!
(2)
食晚飯, 弟弟遙指: "我想食個 d 白色西蘭花"
......... 其實個 d 係椰菜花啦~
(3)
小明問: "咩味最好味呀, 媽媽?"
我: "甜味?"
小明: "人情味最好味呀!"
我: "係咪真係咁解架?"
(4)
弟弟好鍾意佢自己張被仔, 今日好早就自己碌上床瞓, 我埋去裝下佢, 佢答: "我真係眼瞓, 唔係咋弟架! 我無時無刻都要帶住我張被被架!" 咩叫咋弟又識, 連無時無刻都識用, 厲害厲害!
(5)
教英文, 消防員 fireman, 醫生 doctor, 老師 teacher, 警察 policeman, 好叻喎! 咁女警察呢? 弟弟好大聲答: POLICE MADAM!!!
(6)
晚飯中, 小慈: "媽媽, 今日咩湯呀?"
我飲左一啖, "似係無花果喎!"
弟弟: "好似係蘋果雪梨呀! What soup is that, Vicky 姐姐?"
Vicky: "Apple Pear Soup"
我: "勁喎, 弟弟!"
弟弟: "雖然我個鼻塞左, 但我條脷冇事所以飲得出!"
(7)
教小慈家姐做功課時最鍾意加嘴, 我教 shirt, 弟弟會問: "做咩教小慈家姐壞人 Zerg 呀?" 教時間, 8:00am 返學 3:00pm 放學用左幾多小時呀? 小慈答: " 7 小時" 弟弟: "7 小慈???? 用左 7 個小慈??"
(8)
平時朝早送完小慈家姐上校車返學我就返工, 今日放假我就返番屋企, 諗住弟弟未瞓醒我就入房整 d 野, 突然間, 弟弟企係房門口......
我: "早晨, 弟弟! 你點知我係屋企既?"
弟: "我聽到你流鼻水「雪」一聲咪知係你羅!"
我 (大笑): "咁你都認到??!!!"
弟: "係呀, 你地個個都唔同聲架! 爸爸低音 d 「葛」, 小慈家姐同我把聲差唔多"
我: "好野, 好野! 佩服, 佩服!"
弟: "媽媽, 你係咪唔駛返工呀? 可唔可以送我返學呀?"
我: "唔係姐姐送你咩?" (我其實係預左送佢不過想睇下佢咩反應 >v<)
弟: "唔係呀! 我想你送我呀咁難得!"
我: :"好啦, 你連難得都識就送你啦!"
沿途見到咩就講下, 弟弟問點解有咁多人排隊?
我: "巴士站黎架, d 人排隊等搭巴士返工羅! 媽媽平時都係咁啦, 不過今日放假之麻!"
弟: "如果巴士站有 fast pass 佢地咪唔駛排得咁辛苦羅!"
我: "你估迪士尼咩? 不過呢個都係一個好主意!" ^^
(9)
每晚臨瞓前講聖經故事, 今晚講到聖誕節耶穌出世, 我講題外話, 耶穌係神既兒子, 我相信佢應該由細到大都係一個好乖好乖既小朋友, 食飽瞓瞓飽食, 好聽話仲可能會成日笑, 應該好好湊! 弟弟反應奇快: "媽媽, 你唔可以咁講架! 你唔可以講主耶穌壞話話佢「好臭」架!!!"
(10)
臨瞓前都會祈禱, 由初初要弟弟領禱時佢只係識講: "親愛既天父, 多謝祢俾我地有咁好既一日", 到而家會要求自己祈晒成個禱, 佢今日係咁講既:
"親愛既天父, 多謝你俾我有智慧, 我返學返得好開心, 我今日上左普通話堂, 我已經有智慧聽得明老師講既野, 求祢繼續保守我. 我有 d 咳又有乞嚏又有好多痰, 唔食得芒果, 我好想食芒果, 求天父祢俾我快 d 好番可以同爸爸一齊食芒果! 爸爸媽媽聽日都要返工, 求祢俾佢地返工都有智慧. 小慈家姐同我而家都要瞓覺喇, 求祢派天使黎我地屋企保護我地, 叫我地一覺瞓天光, 就算要發夢都要發 d 好夢唔好發 d 壞夢, 俾我地聽日精精神神健健康康咁返學, 多謝祢聽我地既祈禱, 奉主耶穌基督聖名祈求, 阿門!"
係小明心目中, d 野唔係好既就係壞既, 所以佢個 d 叫壞夢而唔係惡夢 >< 仲有, 我都係第一次聽到人為一個芒果而祈禱, 真係忍唔住笑左出黎 ^o^
(11)
睇緊天氣報告話會落雨, 我就教落好細雨可以叫微微雨, 落雨落得好勁就叫暴雨, 天文台仲分黃雨紅雨黑雨. 出大太陽好曬你又唔呢埋就叫暴曬, 弟弟搶答: "可以叫陽光好猛烈!" 勁喎, 好猛烈都識! 大風又係, 好大風可以叫暴風, 有個暴字個 d 都係好勁好強好嚴重咁既意思.... 於是弟弟一臉天真咁問我: "暴龍係咪就係因為佢步行得好用力呀?" 哈哈哈哈
(12)
爸爸唔覺意撞到我, 我大聲呼叫 "喂! 做咩摸我 pat pat!!" 爸爸都未答弟弟就搶答: "佢係你老公黎架! 咁介意!" 衰得佢仲搖搖頭 @.@
I Love my Son ^^
2014年2月15日 星期六
雙料情人節
今日好特別, 中國元宵節同西方情人節同一日出現
19 年先出現一次, 對上一次, 我同秋秋岩岩拍拖, 我仲親自操刀畫左幅畫寫左 d 野送俾佢, 買左套地鐵出既情人節紀念咭, 出去食左餐飯咁羅 :)
咁快就 19 年過去, 我地由二變四, 每日都過得好充實時間快到唔夠用, 一轉眼小明都 5 歲, 小慈仲就黎 8 歲添! 諗起我所擁有既, 滿心歡喜快樂感謝神~
聽聞今晚晚餐冇 4 位數字都落唔到樓, 又天寒地凍得 7 度, 放工都係極速返屋企攬住對仔女, 錫下個老公係正經 ^^
I Love My Family ^8^
是日驚喜 ~~ 秋秋親自下廚加料煮鹵水鴨舌 and 清酒煮大蜆, yummy yummy !!!
今日收到好多 WhatsApp 情人節祝福短訊, 我笑到肚痛既一篇文章
仲有最好既祝福
Happy Valentine's Day with Your Loved Ones ^^
I Love you, Grace, Young Man and Richard ^8^
19 年先出現一次, 對上一次, 我同秋秋岩岩拍拖, 我仲親自操刀畫左幅畫寫左 d 野送俾佢, 買左套地鐵出既情人節紀念咭, 出去食左餐飯咁羅 :)
咁快就 19 年過去, 我地由二變四, 每日都過得好充實時間快到唔夠用, 一轉眼小明都 5 歲, 小慈仲就黎 8 歲添! 諗起我所擁有既, 滿心歡喜快樂感謝神~
聽聞今晚晚餐冇 4 位數字都落唔到樓, 又天寒地凍得 7 度, 放工都係極速返屋企攬住對仔女, 錫下個老公係正經 ^^
I Love My Family ^8^
是日驚喜 ~~ 秋秋親自下廚加料煮鹵水鴨舌 and 清酒煮大蜆, yummy yummy !!!
今日收到好多 WhatsApp 情人節祝福短訊, 我笑到肚痛既一篇文章
仲有最好既祝福
Happy Valentine's Day with Your Loved Ones ^^
I Love you, Grace, Young Man and Richard ^8^
2014年2月12日 星期三
2014年2月10日 星期一
訂閱：
文章 (Atom)