小明係一個好有性格既小朋友, 容易笑容易開心, 好多狂想, 好勇敢, 諗到咩就做, 當然有時會闖禍, 流兩滴眼淚認錯, 下次又會學精 D, 男仔有呢種性格我又接受到, 叫得停接受教導我就 ok, 男仔麻
今日上音樂班小明著件格仔衫跳舞好醒目, 於是舉機拍照
小明話: "你唔係影我 video 咩? 我跳舞喎!" 好呀! 就影你 video, 佢真係跳得好好笑
歸家途中經過 QB
小明: "我 d 頭髮好長吉耳仔要剪喇, 媽媽!"
我: "下? 而家好夜喇喎仲要趕返屋企同小慈家姐溫默書, 睇下多唔多人啦, 多人就唔剪架喇"
小明: "幾多個人先叫多人呀?"
我: "要排隊等咪就係多人羅!"
小明: "1個人排緊隊呢?"
我: "媽媽睇情形啦, ok?"
於是, 去到岩岩有人剪完準備走, 小明埋位, 對剪頭髮既姨姨講
小明: "唔該幫我剪靚仔 d!"
姨姨: "我覺得你已經好靚仔喇喎, 唔駛剪啦!" (明玩佢)
小明: "唔得呀! 吉耳仔呀!" (姨姨已經笑晒)
小明: "一陣係唔係俾埋把梳我呀?"
我: "唔駛啦! 你屋企已經有兩把喇!"
姨姨: "你好鍾意把梳咩?"
小明: "係呀! 我要梳頭架麻, 梗係要梳啦~"
剪完, 小明望住塊鏡自我讚賞: "靚仔曬!!" ^v^
小明: "地下好多頭髮喎! 呢 d 頭髮係我架, 姨姨係唔係要掃呀?"
姨姨: "俾你幫下手啦!"
小明二話不說接過掃把, "啪" 一聲就去開左人地個吸風機制開始掃地! 佢真係超級好記性, 第一次剪 QB 已經係 4 個幾月前, 又係姨姨請佢開吸風機制佢竟然記得, 今次仲自己走去開, 又夠高掂個制喎! 佢真係咩都夠膽死~
第一次掃地既小明幾認真, 努力, 手握住既就係姨姨送俾佢個把梳, 終於到手
新年新 look
第一次剷頭, 我覺得幾型仔 :)
小明活潑外向主動既性格好珍貴, 不過漸漸長大, 說話技巧人情細故眉頭眼額都要識睇, 唔好由好得意變成討人厭呀!
