充實的母親節

小明已經正式成為 N1 學生, 連埋小慈個份, 今年開始, 母親節禮物我收雙份喇!!  呢度就係小慈話整得好辛苦既花花, 同埋貼左好多好多心既母親節咭!  

佢畫左個大頭母親抱住弟弟, 爸爸係後面抱住小慈, 仲有親手寫 Mummy I love You

小明送既母親節咭, 仲有一個用牛奶盒整既籃 and 親手穿既手鍊

小明呢張相真係笑 c 我!  係學校開心到伸脷??

兩姐弟係度講緊: "母親節快樂~~~~~~~"

兩個小寶貝健健康康, 相親相愛就係送俾媽媽最好既禮物!!

收完禮物就返教會, 今年母親節特別有意思, 因為小慈返教會獻詩!!  獻唱兩首歌: 春夏秋冬 & 爸媽 I love you

尋日採排時因為學校旅行直落太攰而喊左出黎, 不過都好快收拾心情, 瞓醒一覺, 今日精神抖擻仲笑臉盈盈!   

獻詩後參加天台既兒童崇拜, 小慈送左扎花俾我

手工精美

崇拜後參加團契, 小明瞓左, 用 4 張椅子整左張床俾佢, 可能太舒服竟然瞓左 2 個鐘!!  瞓醒覺笑咪咪坐我大脾一齊團契添!  超乖超生性!

夜晚仲有一場, 我地 on the way 去西貢, 兩個係度搵緊西貢牛牛

咁多年都未試過同琳琳慶祝母親節, 今日大家都竟然得閒!

餐廳有蠟筆供應, 可以係枱面上面隨意創作

弟弟都即席揮毫

小慈寫 MA  MA  I  LOVE  U 送俾我~~

琳琳就寫左張便條俾媽媽

呢間餐廳既火腿芝士 Pizza 點 sour cream 真係好好味, 仲有芝士寬條麵都好正, 弟弟食左好多!

牌上面冇既 Masala Tea (即係花香味既奶茶) 好好飲!  有回甘既感覺!

西貢出名多狗仔, 小朋友食飽即刻出去玩

呢間餐廳仲有單車供應

小明攝影師既作品

小明攝影師既作品 2

呢兩張就係小慈影既

影得唔錯啊~

超乖既琳琳無端端叫我試下佢既手勢, 好舒服喎!

飯後去滿記食甜品, 真係飽到行唔郁!

餘興節目 -- 琳琳表演魔術, 非常精彩!!

小慈搵唔搵到破綻呀?

今日走幾場真係一個開心充實既母親節!!!