爛訓弟弟 + 爆笑小慈

弟弟今日又係 8:00 pm 就訓左!!!  好在尋晚佢零晨 3:15 咳左兩聲, 我裝下佢仲係合埋眼, 於是扶番正佢個頭就繼續訓到 6:30 am 唔駛我攬住訓咋!  都唔知咩解究咁早就眼訓?  幾時可以一覺訓天光呢 ?

就係咁樣勒!!  本來係床仔度訓到成隻豬仔咁既弟弟, 俾我地抱佢出廳想整醒佢換片飲奶奶, 隻衰豬可以換完條片, 伸個懶腰, 打側個身跟住訓番!!  如下圖所示.....

吱都唔醒!!  有冇咁眼訓呀?!  真係 bear bear 聲...

影佢個豬樣!  閃光燈都閃唔醒佢, 竟然閃出左一對深深的雙眼皮

另外, 小慈今晚都好攪鬼, 佢用番晒我講既野黎 "寸" 我呀!

話說我食緊個蘋果, 見到小慈飲緊個支奶就黎倒瀉, 我叫佢小心 d. 小慈望住我話:

"媽媽, 你吞左先講野!"

跟住佢話要屙屎, 咁同佢去啦, 好快就屙左!  我問佢屙完未 (其實我係想同佢清潔), 小慈答我:

"屙完勒~~ 屙 1 舊夠勒!  唔駛咁多架!"

我既反應係咁... 錯愕... 狂笑... 笑到喊...

哈哈哈~~~  3 歲既人仔真係超爆笑!!!!