兒童節 @ 迪士尼樂園

鑒於小慈真係好愛 Mickey & Minnie, 而我又好想去迪士尼樂園, 於是就決定買年票咁就想幾時入去玩都得啦 :D

小慈無端端可以入迪士尼好驚喜!  其實佢之前都去過架, 不過個時太細個佢已經冇晒印象, 果然 3 歲前係咩都唔記得既....

好心急想入樂園玩所以唔想影相

入門口見到史迪仔吹 bubbles 笑到見牙唔見眼

今日 22 度有太陽又有風, 難得的好天氣

小慈開心到坐火車又笑, 玩 bubbles 又笑, 佢真係好 high 呀!

Bubbles 吹呀吹~

見到我個乖女笑成咁, 呢張年票買得值呀!!

玩水都笑到依起棚牙

好涼爽呀

玩左 2 次巴斯光年射槍就睇巡遊, 雖然今日係兒童節 + 清明節公眾假期, 但樂園冇咩人好多野都唔駛排隊, 正!

第 1 次坐船仔睇小小世界, 我都未睇過, 入面 d 公仔好靚好吸引

咖啡杯中的小小慈

咖啡杯轉到我地兩老暈陀陀, 小慈就卡卡笑

"灰姑娘旋轉木馬" 個名咁長小慈都識講

想玩小飛象, 不過條隊實在郁得太慢於是我地決定食少少野先

點知小慈就食食下薯條訓著左, 冇電了......

訓醒竟然記得自己未玩小飛象要我地即刻去, 係係係小慈公主!  小朋友真係好好記性

玩到睇埋煙花先走, 小慈超級開心盡慶而歸!!