沿途都有同小慈講去邊, 一陣見到邊個會做 d 咩野.... 而家大個左咩都要知, 咩都關佢事架! 初時聽到牙醫都唔抗拒, 點知去到診所醫生叫佢坐上牙醫椅就唔肯喇, 要我抱住先 ok, 好在冇喊, 不過心情都係唔好 V_V 醫生俾塊鏡叫佢望住醫生用綿花棒同佢數牙仔, 小慈都唔肯仲同醫生講:
"唔要照鏡! 唔要綿花棒呀!"
不過醫生好醒目用貼紙引佢, 仲要係閃令令反晒光既靚貼紙噃, 小慈即刻中計! 醫生叫小慈俾對手佢望下, 小慈肯, 叫小慈擘大口俾醫生用鏡仔睇牙齒, 小慈今次又 ok 喎!
醫生話小慈心情麻麻唔好要佢洗牙住, 話小慈 d 牙仔都好靚, 之所以檢查佢對手因為一睇就知佢有冇食手指, 一唔食手指 d 牙就一定整齊架勒! 牙齒都白淨, 一睇就知平時好少食糖, 我話係呀, 就算食都係食一粒兩粒, 醫生話少食多滋味, 俾得少, 佢食一兩粒就會覺得好夠, 有 d 媽媽係由得個仔一粒接一粒咁食架 @.@
醫生仲問我小慈食野係唔係好慢, 會含住唔吞? 我話係呀, 你點知既? 醫生話小慈手指幼, 牙仔細, body scale 黎講食道都一定係細, 所以佢吞野會難吞 d, 盡量細羹 d 餵佢
我唯一擔心係小慈 d 牙好密, 怕佢將來換大牙如果似我 d 牙大隻就會唔夠位生, 醫生話咁細個未知, 如果顎骨似爸爸就一定夠位, 而家面型似媽媽, 但可能似爸爸 d 牙細仔呢? 好難講, keep 住檢查應該冇問題, 總之保持口腔衛生, 飲多 d 水, 少食糖, 多食粟米 / 紅蘿蔔 / 西蘭花都可以保持牙齒健康!
小慈, 媽媽會盡力幫你 keep 住一副靚牙, 細個嚴禁你食手 / 食奶嘴都係怕你似我食手指食到 6 歲先戒得甩, 攪到 d 牙唔整齊, 我一定唔會讓悲劇重演既!
小慈睇完牙醫返屋企心情好靚, 可能因為有得出街, 點知我換完衫出黎就見到咁既畫面....
小慈竟然趁弟弟飲奶動彈不得, 用牙醫送俾佢既貼紙貼晒上弟弟塊面!!!
又貼得幾靚喎, 整到弟弟成個印度西施咁 :DDD
弟弟乖下, 大個左唔好報仇
小慈家姐錫番 ^8^
小慈好錫弟弟架 ^^
沒有留言:
張貼留言