"媽媽~~ 我訓醒勒~~"
於是笑騎騎咁入房啜佢 3 啖! 我既小公主 3 歲了!! 一早起身心情靚靚既小慈 :)
日日都要啜弟弟一大啖先返學, 今日特別大啖
回想 3 年前既呢個時候我係產房痛不欲生, 真係一額汗呢~
呢一年過得好快, 因為實在有太多事發生勒! 上年既今日幫小慈攪左個大型麥當當生日會, 跟住我有左弟弟變得易攰性情暴躁脾氣好差, 敏感既小慈唔知係 feel 到我有左所以小器, 定係中左傳聞中既 trouble two 魔咒, 脾氣臭到冇人有又喜怒無常!!! 成日玩作對, 唔理佢咩? 佢試過喊足 1 個半鐘頭, 又試過咬自己手臂同打自己塊面... 好得人驚 @.@
處理佢情緒之餘仲要為小慈 9 月返 nursery 做準備, 星期一至五報讀屋企附近幼稚園既 play group, 希望佢可以熟習幼稚園環境, 星期日就上開心豆芽組訓練幼稚園上課模式, 以為準備充足點知都係攪唔掂!! 除左頭 3 日適應班有我陪住冇問題之外, 日日聽到返學就喊, 攪到我 1 次都唔敢送佢返學怕佢攬住我大脾唔放 >.< 攪左 2 個月先真正 ok, 學校仲成功幫小慈戒片!!
不過隨住弟弟出世, 小慈情緒又再次起伏, 事前已經日日同佢洗腦式講故事, 帶佢一齊產檢, 一齊影 4D 又影大肚相, 無時無刻都俾佢摸弟弟胎動又買個 bb 俾佢湊..... 可以做既都已經做晒, 點知殺到埋身都係接受唔到!! 小慈冇打弟弟唔好誤會, 相反小慈仲好錫好錫弟弟添, 成日都要抱弟弟, 但佢控制唔到自己行為倒退!! 明明已經識叫去廁所但可以一日賴 6-7 次尿!! 屙左屎又唔肯換褲, 抹都唔俾抹! 又咩都學弟弟, 要掃風, 要噯訓覺, 要抱住飲奶, 甚至要訓低著片片...... 仲要唔可以鬧佢, 唔可以因為弟弟而話佢半句, 怕影響姐弟感情... 而家諗番起我都唔知我當時點捱既!?!
好在而家雨過天清, 踏入 3 月小慈已經明顯乖左, 終於由魔鬼變番做 1 隻天使, 同佢講咩都 "知道" "好" "多謝媽媽" "唔該爸爸".... 生性到不得了!! 感謝神 ^^
小慈, 媽媽都知道難為左你勒, 折騰左你一年! 要你呢一年入面適應咁多人事物, 對於慢熱既你真係好辛苦, 媽媽知道你其實係好叻女, 好乖女!
趁住今日係你 3 歲既大日子, 媽媽千辛萬苦先請到半日假帶你去迪士尼樂園玩, 我又同老師講早少少接你放學
第一次揸車去 Disney, 小慈又第 1 次坐媽媽車表現 excellent!!! 媽媽仲怕你唔慣自己坐後座添! 多謝你既安靜令媽媽可以專心揸車 ^8^
舉起手手話自己 3 歲, 開心到暈
去到見到 Mickey Minnie 好開心, 不過扭計要我同佢一齊影相
今日 30 度呀~~~ 唔係小慈生日真係唔會入黎呢度曝曬! 熱到溶左, 要食支雪條降溫先得!
得半日時間我地唔係玩左好多野, 不過有 annual pass 就玩多玩少都冇所謂啦! 小慈掛住個生日襟章, 好多人同佢講 Happy Birthday 職員又送貼紙, 氹到小慈好高興!
偶遇高手畫畫
天氣咁熱好快就蒸發, 不留痕跡
玩一陣就返屋企, 小慈好鍾意呢個 Busy Bee 雪糕蛋糕
小慈, 爸爸媽媽錫晒你 ^8^
生日指定要戴生日帽, 我專登買架 :DDD
生日快樂, 開開心心, 健健康康, 做個開心既小朋友!!
最後, 送一首歌俾小慈你做生日禮物, 媽媽每次聽都好有感覺架!
古巨基 <你生>
等生命誕生 倒數之中等你興奮也擔心
你睜開眼 哪日才能認到你親人 要多久才能受訓
等生命誕生 要怎撫摸先會摸透你的心
我的寶貝 隨時讓你伏我肩上 手腳舞動靈敏
＊何時才會唱歌 何時才懂知錯
容貌像父母親邊個多 亦像鮮花一朵
何時陪我踢波 何時才追到我
假使痛哭你肚子餓 讓我去輔助
我沒求甚麼 想每日 教你快樂渡過＊
小生命誕生 我擔保你不給這世界冷親
我的寶貝 未來無論成為甚麼人 我都等你 來熱吻
新生活揭開 期望你會覺得世界夠可愛
願你未來 無人令你受到傷害 得到萬人憐愛
何時才會唱歌 何時才懂知錯
容貌像父母親邊個多 亦像鮮花一朵
何時陪我踢波 何時才追到我
我沒求甚麼 想每日 聽得到你找我
說吧 你懂稱呼我嗎 可知永遠是一家人別要怕
你肯親我嗎 看吧 你肯親親我嗎
可知道我人生觀隨著變化 全為這個家
Happy Birthday 乖女 ^8^
舉起手手話自己 3 歲, 開心到暈
去到見到 Mickey Minnie 好開心, 不過扭計要我同佢一齊影相
今日 30 度呀~~~ 唔係小慈生日真係唔會入黎呢度曝曬! 熱到溶左, 要食支雪條降溫先得!
得半日時間我地唔係玩左好多野, 不過有 annual pass 就玩多玩少都冇所謂啦! 小慈掛住個生日襟章, 好多人同佢講 Happy Birthday 職員又送貼紙, 氹到小慈好高興!
偶遇高手畫畫
天氣咁熱好快就蒸發, 不留痕跡
玩一陣就返屋企, 小慈好鍾意呢個 Busy Bee 雪糕蛋糕
小慈, 爸爸媽媽錫晒你 ^8^
生日指定要戴生日帽, 我專登買架 :DDD
生日快樂, 開開心心, 健健康康, 做個開心既小朋友!!
最後, 送一首歌俾小慈你做生日禮物, 媽媽每次聽都好有感覺架!
古巨基 <你生>
等生命誕生 倒數之中等你興奮也擔心
你睜開眼 哪日才能認到你親人 要多久才能受訓
等生命誕生 要怎撫摸先會摸透你的心
我的寶貝 隨時讓你伏我肩上 手腳舞動靈敏
＊何時才會唱歌 何時才懂知錯
容貌像父母親邊個多 亦像鮮花一朵
何時陪我踢波 何時才追到我
假使痛哭你肚子餓 讓我去輔助
我沒求甚麼 想每日 教你快樂渡過＊
小生命誕生 我擔保你不給這世界冷親
我的寶貝 未來無論成為甚麼人 我都等你 來熱吻
新生活揭開 期望你會覺得世界夠可愛
願你未來 無人令你受到傷害 得到萬人憐愛
何時才會唱歌 何時才懂知錯
容貌像父母親邊個多 亦像鮮花一朵
何時陪我踢波 何時才追到我
我沒求甚麼 想每日 聽得到你找我
說吧 你懂稱呼我嗎 可知永遠是一家人別要怕
你肯親我嗎 看吧 你肯親親我嗎
可知道我人生觀隨著變化 全為這個家
Happy Birthday 乖女 ^8^
沒有留言:
張貼留言