比試腳仔

今日放工一入屋就聽到弟弟既喊聲!  鞋都唔除裝下佢做咩事啦, 原來佢自己係地墊度練習反身, 但反轉左唔郁得撐住好耐頂唔順就大叫救命!?!

工人姐姐話佢今日一訓係地墊度就自己反身, 之前隻懶豬仲要我地周不時推佢 pat pat 先肯反, 估唔到今日咁叻仔!  不過就黎 5 個月大先識反身, 呢隻豬仔都算遲啦!

呢幾日我仲懷疑小明開始認人, 佢見到我埋去撩佢會即刻開心笑又 fing 手, 我行開換衫佢會即刻面紅大喊!  返轉頭裝下佢咩事, 佢見到我個樣又會即刻笑番, 佢仲好爛玩添呀, 明知佢呢個肥仔懶郁, 我耐唔耐都會幫佢 massage, 郁手郁腳佢就最開心!  不過摸下摸下發現弟弟怕吱 @.@

好玩咯~~  即刻用下巴吉佢個肥心口, 攪到佢笑到幾大聲呀!  笑一陣仲會望住我好似想我繼續咁!  怕吱又鍾意人地攪佢 :DDD

每次弟弟坐搖椅都會腳撐撐, 今日小慈忍唔住出 "腳" 喇, 佢話弟弟隻 small feet 好得意

小慈問:  "弟弟係 small feet, 咁我呢?"

 我: "弟弟係 very small feet, 你先至係 small feet!"

飲完奶弟弟扭眼訓, 以為佢小睡片刻啦, 點知佢訓到 10:00 pm 仲係叫極唔醒個隻!!  唉~~  今晚半夜又唔知幾點起身踢被嘈醒媽媽勒.... 慘~~ 

不過好處就係成晚好得閒同小慈玩啦!  小慈要坐弟弟架學行車, 仲要坐住架車去照鏡, 點知行唔到!  小慈望一望地下就話:

"小慈過唔到呀, 爸爸同媽媽張凳 kick 住小慈呀!"

好叻女呀!  講到咁長既句子仲要咁有條理, 有晒前因後果, 好醒呀 ^^ 

呢個就係我堅持唔同佢講 BB 話既原因! 長篇大論一開始係會唔明白, 但日子有功, 小朋友適應力真係好強架!  叻叻!