弟弟第一次接小慈家姐放學

小慈返學了~~ 

尋日都已經好精靈冇燒冇咳冇乞嚏, 返學冇問題!  不過今朝泵完人奶再送小慈返學就有 d 趕, 衰妹仲要唔生性, 送佢返到學校我同佢講 bye bye 就大喊!!  事前俾晒心理準備佢都攪唔掂!  我都知佢係咁所以 N1 除左頭 3 日我做書僮陪佢返學校適應班之外, 我一次都冇送過佢返學, 就係知佢會唔捨得我走而大喊!  冇計啦, 邊個叫我安排唔到校車丫......

唔理佢喇, 我都好狠心架, 佢一喊我就走, 唔會再氹佢, 老師會攪得掂架啦!

放學工人姐姐好早就出門口, 弟弟第一次接小慈家姐放學 ^^

姐姐話揹住弟弟出街好多人望住佢, 梗係啦, 工人姐姐咁細粒, 弟弟又咁大隻, 揹住好似就黎負荷唔到好辛苦咁, 我望到佢都會笑啦 :D

去到學校仲引起哄動添, 差不多所有老師都埋黎睇弟弟, 個個都話佢好肥好得意, 小慈仲要好自豪咁周圍話俾人地聽:

"呢個係我既弟弟黎架!" 

真係笑死我 ~~