出街食飯

三八婦女節, 約左爺爺嫲嫲一齊出街食飯, 介紹佢地去我地大圍既鐵竇食打冷 

陀住小明既時候我好鍾意食蟹, 呢間打冷舖既凍蟹又平又好味我成日都黎幫襯, 食到 阿姐都認得我!  

今日帶埋小慈小明去, 大家一見到弟弟大大隻隻就話大肚食蟹真係好架, 俾多 d 鈣呀, 蛋白質 BB, 而家個仔幾好樣  :)

小明個樣又真係幾殺死人既, 眼大大望到你實一實, 撩下佢又甜笑, 係人都鍾意佢啦!  不過喊肚餓時就好惡死!!  

嫲嫲話弟弟好似秋秋細個咁好識扮野, 喊兩喊把聲就拆晒好似喊左好耐都冇人理佢咁, 扮晒可憐, 好乞人憎咁話 :DDDD

姑媽送既呢個搖籃式 car seat 真係好好用, 放左弟弟入去就可以成個揪起, 昊昊當年都係坐住佢俾姑丈由黃大仙車去將軍澳放低俾嫲嫲湊架, 正!