沉痛決定

近來公司好多野做完全冇機會晏晝泵 1 次奶, 加上又有少少人事糾紛真係令到我心煩意亂唔係好開心, 於是秋秋就話:

"不如停人奶啦, 弟弟又厭奶好快都會俾糊仔佢食, 遲下我地又會去沙巴旅行都冇得泵奶, 咁辛苦又大壓力, 都餵左 4 個月咯, 夠啦......"

於是決定收人奶了.....

不過我會採用天然方法, 越泵越少次數, 唔痛都唔泵咁等佢慢慢收奶

弟弟, 你已經幸福過小慈家姐, 個時佢飲得 2 個月添咋, 仲要每次都係好少要溝奶粉飲, 而家你已經 double 上, 飲多過小慈家姐好多架喇!

參加熙熙 3 歲生日會

今日應邀出席熙熙 3 歲生日會, 祝熙熙身體健康, 越大越型仔 ^8^

雖然生日會地點好近我地屋企, 不過要餵埋弟弟飲奶又等小慈訓一陣先出門口已經遲到, 生日會都開左一半等緊我地黎先切生日蛋糕, 真係唔好意思啊熙熙!!  我地去到已經玩完遊戲, 要每人派粒珍寶珠先影到小朋友合照

今日行程好緊密, 參加完生日會就去搴搴屋企玩一陣, 夜晚就一齊去沙田德記食乳鴿雞粥

原來我餵緊人奶係唔食得乳鴿架!!  人地用乳鴿淡豆豉黎回奶真係唔知, 不過小慈就食得好開心, 弟弟又乖成餐飯係搖籃 car seat 度訓覺, 咁嘈都訓得著!  仲俾人叫佢做 "金魚", 話佢面珠真係好肥喎~~

青蛙先生回歸

BB 用品相信都係一種環保產品, 小慈之前用過既奶煲 / 人奶泵 / 網床 / 牙膠 / 衫仔 / 玩具.... 全部都可以留俾弟弟循環再用, 連俾左昊昊既玩具用品都可以回流番黎, 青蛙先生就係其中一樣

你睇弟弟玩到幾開心

嚴重雙下巴

多多野講

連 d 手指都肥嘟嘟, 一截截咁

弟弟個身已經長過青蛙先生, 玩得幾耐得幾耐, 唔岩玩又送俾第 2 個 BB 先

小慈都要一齊訓低, 同弟弟手拖手

弟弟塊面真係闊過小慈 @.@

完美 Head Up

好可愛呀~~~  呢張相影到弟弟好精靈, 炯炯有神!!

Head Up 已經可以 over 2 分鐘, 達到完美既境界喇~~~

頂頭鎚~~~ 好溫馨又攪笑呀

頂天立地男子漢

殺死人既眼神

弟弟 4 個月大開始厭奶

弟弟 4 個月大喇~~ 

我今日請左一日假陪住佢, 平時返工已經冇左一日, 放工返黎有時佢又訓左唔係成日有機會同佢玩!  係屋企點都自在 d 既, 泵奶都泵得暢快 d 啦, 今日已經係我既第 356 支人奶, 我仲係 keep 住一日泵 3 次架!

弟弟就穩定地每日飲 5 餐, 每餐 200ml,  2 次人奶, 3 次森永細仔, 不過 4 個月大既佢開始厭奶, 飲奶飲 50ml 幫佢掃風後就唔肯再飲, 所以我地而家餵 100ml 先停低幫佢掃風, 大個左都冇咁易嘔奶, 不過要質佢先飲奶就痛苦 d, 有時一餐要餵 45 分鐘真係好攰, 加上佢又重, 真係手都痺晒!

弟弟亦已經冇左握拳反射, 學識左放開雙手, 俾條紗巾佢會自己渣住, 又開始多口水要戴口水肩, 以前小慈從來冇戴過, 貪玩戴住影相就有, 但弟弟既口水係一條柱咁流出黎唔戴唔得! 

口腔期開始咩都會放入口!  試過半夜攬住佢訓, 弟弟竟然 dap 我件衫袖, 成隻衫袖濕晒啊 @.@

訓覺同爸爸一樣呈大字型, 訓得非常豪邁奔放, 有時坐搖椅坐到眼訓會扭計喊, 點知我地抱起佢會喊得再大聲 d, 好似示意我地做岩野咁......

"係呀~~  抱我啦~~  我係眼訓呀~~  係呢樣呀~~"

侍候呀大人侍候得好, 命中左佢既需要就大大聲 "喊" 俾我地知, 好攪鬼架 :D

4 個月大全家幅

父子合照

父子最相似既係兩個都係大頭仔, 同埋兩個訓覺都有鼻鼾聲!!

等左 3 個月先收到弟弟滿月時做既手印腳印, 好在都整得唔錯!  明顯地弟弟既手手腳腳大隻厚肉過當年小慈好多呢~

靚靚姐弟相

小慈真係好愛弟弟, 心血來潮叫佢同弟弟影張相, 佢攬到弟弟實一實肉緊非常 

張姐弟相好攪野呀, 大頭弟弟 vs 細頭小慈!! 

錯覺弟弟肥過小慈好多呢

 攬到弟弟眼都凸埋

:DDD

我的生日禮物

今日係我既生日 :)

第一份生日禮物係弟弟俾我既, 就係.... 一覺訓到 6:00am!!  真係乖仔呀  ^8^

我既生日願望咪就係希望我兩個小寶貝身體健康羅!  斷斷續續咁病真係令人好厭煩, 春天你快 d 走啦

弟弟仲有咳, 咳到坐坐下搖椅都會嘔奶, 有時都會好好彩咁連痰都嘔埋出黎, 成日都訓覺, 訓著左既弟弟真係超可愛, 見佢訓得咁舒服我就忍唔住彎身錫佢

今日連續 2 次我個嘴就黎掂到佢塊面仔時佢郁, 用塊面去接住我個吻, 變左係佢向我索吻咁, 霖死我了~~~~ 

不過佢自己唔知既, 因為佢仲合埋眼緊訓 zZZZZzzZZZzzz  :DDD

你睇弟弟 d 攣毛幾強勁!!  好似人地電左大圈咁呀!  So cute ^^

今晚請工人姐姐星期日放假早 d 返黎俾我同秋秋出去撐枱腳過二人世界 :)

小慈又好生性喎, 我同佢話出去一陣佢都冇喊仲爽快地 bye bye 我, 真係乖女呀~~

Happy Birthday to Me :D

弟弟勁靚仔

食藥控制住病情, 小明已經好番好多, 雖然仲係好憎食藥喊到七彩, 但心情尚算唔錯, 一撩佢就笑, 笑容非常燦爛

你睇我耳仔軟幾聽話

變身黃師傅耍醉拳中

呢張相真係笑瓜我喇~~~

大隻弟弟張 BB 床就黎唔夠佢訓喇

一個星期探爺爺嫲嫲一次, 每次嫲嫲都會爭取機會抱弟弟, 話佢硬淨今晚仲教佢企, 勁錫佢 :)

爺爺仲開金口話弟弟勁靚仔, 又攣毛, 又白, 又肥, 五官又靚!!  嘩~~ 爺爺好少讚人架!  郭氏出品, 必屬佳品 !!!!

起程回家了, 小明安坐 car seat 中, 好乖~~

就係咁樣俾我地揪來揪去, 小慈係後面整古做怪

開心!

睇醫生

乞嚏鼻水鼻塞咳點解你地唔肯走架?!  小慈已經由 1 月尾病到而家, 醫生都睇左 8 次!!!!!! 

醫生話感冒菌係有好多隻, 唔係一隻病咁耐喎..... @.@

尋晚弟弟鼻塞訓得好差, 一晚醒幾次攪到我冇覺好訓, 梗係小慈傳染佢啦, 兩個病徵一模一樣, 於是齊齊睇醫生

小明重 7.6kg = 16.7 磅呀! 

差 d 連個嬰兒磅都唔夠位放佢落去!?! 

小慈就重 11.7kg = 25.7磅

醫生話佢兩個都係一般傷風感冒, 估唔到連食既藥兩個都一模一樣!!  只係份量唔同, 小慈食 5ml, 弟弟食 1ml only

掛左號都等成個鐘, 弟弟等到訓著左, 之前爸爸一抱弟弟就喊到拆天!!  我地唔理佢照俾爸爸抱, 而家又冇事了

呢張相影得好靚呀~~~ I am loving it ^^

小慈教緊弟弟拍手手, 佢真係好錫弟弟架

兩個要快 D 好番呀!!

Day 111

弟弟 111 日大了~ 

肥嘟嘟白白淨, 我都冇估到會生個咁白淨既仔!  以前仲怪媽咪生得我咁黃生細佬咁白, 係唔係陀住我個時日日飲奶茶, 陀細佬個時日日飲奶先?!!

點知到我自己陀小慈時日日飲奶佢都唔白, 陀弟弟時日日飲奶茶就咁白淨, 真係估唔到..... 

Sorry 媽咪, 怪左你咁多年  ^8^

朝早訓醒飲飽奶奶既弟弟心情最好

眼仔碌碌成日都望住小慈家姐架

我的兩個小寶貝

你地係一世既好朋友黎架!

父子

今朝弟弟好精靈飲完奶笑咪咪, 放佢係爸爸隔離影下父子照先~~

弟弟真係好大隻, 好老積呀

同爸爸唔似樣呢?

好多野講既弟弟脫髮中, 搖椅同枕頭仔全部都係佢 d BB hair

小慈唔執輸都要影埋一份

食手情況非常嚴重, 同時亦都冇左握拳反射, 識打開手板了

小手手好可愛 ^^

家庭樂 :)

弟弟唱歌

今日好好彩放工返黎弟弟岩岩飲完奶未訓, 即刻爭取時間抱住佢! 

返左幾日工冇得 24 小時陪住弟弟真係零舍掛心!!

弟弟好可愛呀, 望住我係咁笑, 撩下佢仲講:

"好攰.... un 姑姑"

 唱晒歌咁, 勁得意呀 :)

而家最後一餐奶都係大約 10:00pm 餵, 第二朝都係 4:xx 就踢腳仔話我知佢醒左, 好大力架佢, 踢到成張床仔都郁 

希望弟弟生性 d 體諒媽媽要返工快 d 一覺訓天光啦~

弟弟第一次接小慈家姐放學

小慈返學了~~ 

尋日都已經好精靈冇燒冇咳冇乞嚏, 返學冇問題!  不過今朝泵完人奶再送小慈返學就有 d 趕, 衰妹仲要唔生性, 送佢返到學校我同佢講 bye bye 就大喊!!  事前俾晒心理準備佢都攪唔掂!  我都知佢係咁所以 N1 除左頭 3 日我做書僮陪佢返學校適應班之外, 我一次都冇送過佢返學, 就係知佢會唔捨得我走而大喊!  冇計啦, 邊個叫我安排唔到校車丫......

唔理佢喇, 我都好狠心架, 佢一喊我就走, 唔會再氹佢, 老師會攪得掂架啦!

放學工人姐姐好早就出門口, 弟弟第一次接小慈家姐放學 ^^

姐姐話揹住弟弟出街好多人望住佢, 梗係啦, 工人姐姐咁細粒, 弟弟又咁大隻, 揹住好似就黎負荷唔到好辛苦咁, 我望到佢都會笑啦 :D

去到學校仲引起哄動添, 差不多所有老師都埋黎睇弟弟, 個個都話佢好肥好得意, 小慈仲要好自豪咁周圍話俾人地聽:

"呢個係我既弟弟黎架!" 

真係笑死我 ~~

弟弟好重

小慈冇發燒了, 不過要留係屋企休息多一日未返得學住! 

姐姐都安排得唔錯, 佢話小慈訓晏覺就有機會同弟弟洗白白, 到弟弟訓左就同小慈沖涼咁!  姐姐又讚小慈好生性, 知道佢忙住湊弟弟就會安靜等姐姐得閒先同佢玩, 好乖 ^8^

暫時一對 2 都冇問題, 只係姐姐今日嘗試出 BB 車帶弟弟去街市買餸, 因為用揹帶揹住弟弟好重啊~~~ 

姐姐話: "Oh my back~~~" 

我都知, 我揹住弟弟都覺得好墜, 用咩方法都冇所謂既, 最緊要安全就得

不過弟弟都唔係咁易攪, 佢唔肯俾人擺低係 BB 車, 喊喊想搵人抱!  希望習慣多幾次就 ok! 

姐姐辛苦晒, 加油!!

我返工了~

歷時 3 個半月既產假終於結束, 今日就係我呢個奶媽要返工既日子~~~

今朝弟弟 4:00am 醒左, 我攬住佢訓到 5:45am, 睇錯鐘以為 6:45am 抱住弟弟走去拍醒工人姐姐幫手餵奶  @.@  實在太緊張返工怕唔知醒又成晚聽到小慈咳訓得唔好, 終於磨到 6:45am, 泵完我第 309 支人奶準備安排小慈返學之際, 小慈竟然發燒!!!!  39 度啊~~~  Oh No!  唔通係天父既安排, 知道工人姐姐第一日攪唔掂接放學? 

不過我第一日返工唔可以遲到, 都係要工人姐姐帶晒 2 隻 B 出去睇醫生, 冇辦法之中既辦法叫姐姐帶手提電話, 我隔空同醫生講小慈既病情, 估佢都係感冒未清, 春天最容易傷風乞嚏鼻水, 不過一發燒就一定要睇醫生

返工了, 小慈好 sweet 咁叮囑我:

"媽媽渣車小心 d 呀~~"

霖晒  ^^

帶左好多架生返公司泵奶, 冇可能帶電泵返去雙龍出海, 得一個手吱泵都好過冇, 已經好大陣象 @.@ 

為左要 keep 住俾小明飲人奶, 幾辛苦我都會堅持住既!  好在公司設備都唔錯, 冇人會同我爭雪櫃個冰箱, yeah!

放工返屋企, 小慈已經沖完涼食完粥, 弟弟又飲完奶仲訓埋覺, 工人姐姐好掂喎!!

真係太好喇~~

出街食飯

三八婦女節, 約左爺爺嫲嫲一齊出街食飯, 介紹佢地去我地大圍既鐵竇食打冷 

陀住小明既時候我好鍾意食蟹, 呢間打冷舖既凍蟹又平又好味我成日都黎幫襯, 食到 阿姐都認得我!  

今日帶埋小慈小明去, 大家一見到弟弟大大隻隻就話大肚食蟹真係好架, 俾多 d 鈣呀, 蛋白質 BB, 而家個仔幾好樣  :)

小明個樣又真係幾殺死人既, 眼大大望到你實一實, 撩下佢又甜笑, 係人都鍾意佢啦!  不過喊肚餓時就好惡死!!  

嫲嫲話弟弟好似秋秋細個咁好識扮野, 喊兩喊把聲就拆晒好似喊左好耐都冇人理佢咁, 扮晒可憐, 好乞人憎咁話 :DDDD

姑媽送既呢個搖籃式 car seat 真係好好用, 放左弟弟入去就可以成個揪起, 昊昊當年都係坐住佢俾姑丈由黃大仙車去將軍澳放低俾嫲嫲湊架, 正!

100 日大了

弟弟 100 日大喇~~

唔怪得 d 人 100 日大先擺滿月酒啦, BB 會 大隻多好樣好多, 仲要已經識得望住人識笑, 好好玩啊!

今日已經係星期四, 下星期一我就要返工了.... 嗚~~  我個悠長產假.....

於是呢個星期都係練習返工模式, 最令我擔心既係安排唔到小慈搭校車放學, 短短 1 個火車站既路程搭校車竟然要 1 個鐘頭 @.@  差不多沙田環區遊先返到屋企, 真係冇辦法, 攪左一個月都安排唔到, 只好辛苦工人姐姐帶埋弟弟出去接小慈放學, 朝早就由我送小慈返學..... 

我好唔想弟弟咁細個就成日出街架, 小慈個時我都係等到佢 6 個月大抵抗力好 d 先同佢周圍去架麻, 而家真係冇辦法, 希望弟弟粗生粗養硬淨 d 頂住啦!

咩事弟弟個樣咁無辜?!

全副武裝整裝待發準備去街市, 工人姐姐將會用呢條揹帶揹弟弟去買餸

一臉好奇唔知發生咩事, 不過佢好乖仔呀, 10 分鐘就買完餸, 快過打針

弟弟都實在係一個易話為順攤既小朋友, 食飽訓訓飽食, 放佢去邊都得!

影到喇!!!!!  弟弟燦爛既笑容經常都係得一秒架咋!  終於俾我捕捉到!

弟弟 Day 99 Head Up!!

今日沖完涼弟弟唔肯訓覺, 俾水佢又唔飲眼光光, 無所事事, 於是我又訓練佢 Heap Up....

嘩~~ 士別三日挖目相看呀!  99 日大既弟弟終於 Heap Up 成功了!!!!  YEAH!!!

想當年小慈 Day 77 就 Heap Up, 大頭仔真係辛苦 d

而家睇番, 當年既小慈頭髮真係少得可憐......