郭老師的賀卡

今日係小慈既功課袋入面發現一張郭老師送俾我既賀卡, 內容係咁寫既:

*************************************************************
恩慈媽媽,

恭喜你誕下麟兒!  願天父的愛澆灌在寶寶身上! 
願主的慈愛和恩典常與你們一家同在!
在忙碌地照顧小寶寶之如, 也勿忘兼顧恩慈在情緒上的轉變呢!

郭老師
*************************************************************

恩慈情緒上既轉變?!  唔明, 於是打電話俾郭老師問過明白! 

郭老師話恩慈係學校上上下堂會無端端坐住張櫈仔不停後退去課室後面幅牆度!  叫極佢都唔肯返黎要老師埋去氹佢問佢咩事, 點解咁樣? 

又試過同小朋友玩玩下, 無端端將枱面既玩具全部掃晒落地下, 連其他小朋友玩緊既都掃跌埋!!  佢又唔係發脾氣架喎, 冇喊冇大叫又唔係同小朋友爭執, 只係無端端掃跌晒 d 野, 攪到其他小朋友都唔知點算好?  之後見到我寫手冊話弟弟出左世, 夾番 d 時間就係我入左醫院個幾日!  於是郭老師就即刻明晒恩慈點解會有呢 d 行為叫我要留意佢既情緒, 所以寫左張咭俾我羅! 

我聽完之後, 到我唔明白呀!  因為秋秋話小慈係我入醫院個幾日好乖好合作好生性架, 同佢講咩都話好, 知道, ok 云云.... 點解會返到學校咁大脾氣呢?  郭老師都唔明白, 不過只係發生左 2 次, 郭老師之後都有特別留意恩慈架, 但冇野發生, 恩慈又開心番, 可能就係因為我已經返左屋企! 

我都估小慈係掛住我啦, 屋企突然之間有轉變都會令到敏感同埋冇咩安全感既小慈有壓力又唔識處理!  不過佢表現出黎都係好既, 至少我同郭老師都知佢有事丫麻, 而家係佢唔聲唔聲嚇人一驚姐! 

我出左院之後都放左好多時間俾小慈架, 連埋身餵弟弟飲人奶我都叫埋小慈入房一齊睇, 之後弟弟入醫院照燈, 我係屋企就更加多時間陪小慈, 所以佢好番 d 而家冇再出現呢 d 反常行為啦! 

求主繼續保守小慈能夠愛弟弟, 兩姐弟相親相愛, 求主俾我同秋秋有聰明智慧去教導小慈小明, 知道點做父母!  多謝天父, 阿門!