Switch

小慈小明 wish list 既其中一項係買一部 Switch!  次次去人地屋企玩完都好羨慕, 本來想上機前買, 可惜我地一直都冇咩時間出去深水埗, 行過幾間百老匯又唔見, 上網睇佢又缺貨, 於是秋秋話去英國先買, 一來我地冇位運走, 二來價錢同香港差不多又唔駛運費, 除笨有精! 

直接去任天堂網站, 尋晚訂, 今日送貨!  小慈負責應門, 佢唔知我地買咩野

一打開, 即刻開心到癲左!!  驚喜既笑容由心發出

一家四口一人一個手製

小慈小明超級驚喜!  佢地話已經黎左就黎兩個月我地都冇買, 仲估我地以後都唔會買!  傻豬黎既, 一直都有留意住, 佢地未有貨買唔到之麻!  爸爸媽媽應承過你地既野幾時冇做先?  不過始終 Switch 太貴, 呢份禮物當晒你地今年既生日禮物架喇!

名同頭像都襯晒我地 ^^

FIFA 22 好好玩!  

黎到英國, 就算唔踢足球都打足球 game 啦 XD

補購 FIFA 御用手製 ^^

仲有玩 Ring Fit 一齊係屋企做運動

小慈體能好好啊!

我地既紀錄

我地仲網購左個 Hot Pot 打邊爐!!

湯底用一粒濃湯寶加一棵洋蔥, 超甜超正!

你地開心, 我地就開心 :D