2022年 3月 13日, 不知不覺我地已經黎到英國兩個月喇!! 時間過得好快! 上個月忙於訂傢俬佈置屋企, 呢個月就開始搵工, 網上申請左 8 份, 1 份有 phone interview, 1 份有得 face to face, in 完一個鐘佢就打電話俾我話請我了!!! 有份工個心就好踏實!! 我仲係 interview 之前收到有如身分證一樣既車牌!! 秋秋都可以搵同車輛相關既工作了! 一切都來得岩岩好, 神既時間從不出錯, 不遲也不早!!
如經上所記, 神為愛他的人所預備的、是眼睛未曾看見、耳朵未曾聽見、人心也未曾想到的。(哥林多前書2:9) 所以要返教會親近天父, The Gate今日合團崇拜
賀冕加牧師講題係 Family! 主內一家, 所有國籍在主內都是一家人!! 佢地接納香港人既程度一次又一次令我地感動! 專登改個香港名!!
又為我地安排寄養家庭, 今次到我地請佢地食飯! 知 Bex and Julian 唔識用筷子, 我地要中西合璧
大小廚師
我地決定整香港餐俾佢地食, 首先係爸爸黃金炒飯
再有雜菜煲, 燒靖魚, 土匪雞翼 & 鎮江餚肉
飯後一齊打 Switch, Lara & Jude 第一次玩
佢地既回禮 ^^
裝入花盆仲靚 ^^
慶祝一下, 帶新成員返屋企 ^^
參加教會逢星期三既英文班
呢兩個月我地都有定時打電話俾爺爺! 一見到孫仔孫女就開心 XD
父子對話當然唔少得 (相片由小慈提供)
我仲化身早餐部廚神成日要諗 pack lunch @.@ 呢個係吞拿魚蛋沙律包
真係好多謝天父我地適應得好好! 一切都按部就班上晒軌道!
在主裡沒有難成的事!! 感恩我地有天父爸爸!!
沒有留言:
張貼留言