返學了

隔岸由家姐姐夫幫我地租屋, 一有屋企地址我地就即刻報讀學校, 學校亦都非常快手, 放聖誕假前已經 confirm 我地有學位, 仲按我地既要求俾小慈繼續讀中四 Year 10, 小明讀 Year 8, 間學校仲非常近我地屋企, 可以行返學, 我地真係超級超級感恩!!!

學校好大呀!!

禮堂係藍色架!

今日要黎學校做分班試, 英文, 數學, 科學 3 份卷

小慈要揀科, 呢度有得讀 PE 佢超級開心!!

去大型商場買校服, 黑鞋 & 白波鞋

經過珍珠奶茶店雙眼發光, 不過成 $50 一杯放棄左

去呢間買鞋好齊備

揀左款最輕又似皮鞋既黑波鞋, 小慈小明腳型有 D 難攪, 一個又長又窄, 一個就扇型腳仔, 難得呢款兩個都岩

小慈家姐為弟弟縛鞋帶中

Shoe size chart

香港中二等於 Year 8, 中四等於 Year 10

跟住就開學喇!  行返學真係好近

風景好靚!

仲見到一條好淡既彩虹!!

兩姐弟再一次同一間學校 ^^

仲有昊昊, 三表姐弟同一中學!!  感恩!

小慈既 Form Teacher 好靚女

小慈既時間表

好在有帶爸爸黎, 即場要打呔

好靚呀套校服

弟弟既 Form Teacher 亦都係小慈既 PE 老師

小明既時間表!  佢要學法文 @.@

小慈放學了!  以後都唔駛紥辮又唔駛著枚裙勁開心!

之後發現原來行後門返學放學都得, 仲近呀!!

唔知呢條河會唔會氾濫呢?

好靚女 ^^

PE 衫要另外訂, 終於都送貨了!  小明 PE 學 hockey, 小慈打羽毛球

佢地返學我最大既挑戰係要 7:00 am 整 pack lunch @.@

三文治薯蓉係最快捷方便既

第一次整壽司

都卷得幾好呀呵?!

弟弟話佢要捍衛得好辛苦先制止到隔離個同學唔伸隻手埋黎 XDDD

網購左個真空壺, 冬天就唔駛淨係食三文治咁慘

可以食湯粉麵喇, YEAH!

佢地習慣一瞓醒就食早餐, 除左食多士麵包, 都可易煎下魚手指烚隻蛋

印度煎餅, 中超有售

一包有 5 塊, 煎幾分鐘就食得

仲可以整西多士!  用兩塊 THICK 麵包中間夾花生牆, 沾蛋漿, 用牛油煎香, 點糖漿或蜜糖食都一流!

一條方包既頭頭尾尾麵包邊仲可以整香草多士粒, 塗上牛油 / 橄欖油加香草, 焗爐 180 度焗 20 分鐘

香脆美味, 小明一個人可以食半兜

呢張中毒相一定要 post, 佢食左同學請既糖..... XDDDD

黎左成個月先遇到第一次落雨, 同其他人講英國好少出太陽常常有雨好唔同

不過一落就好大, 好在我地有 hand carry 三把傘, 就算冇, 佢地既褸有帽同埋係防水既

學校需要用唔同型號既計數機, 文具店同 Amazon 有售, 圓規等文具仲係船上面未運到都係要買過

分享在校內完成既作品

係小慈既作品黎架!!  出奇地靚呀!!  細個上左幾年繪畫班唔通有幫助?

弟弟都唔錯呀!

死火!  係咪我扼殺左佢地既繪畫天份呢?  當時係因為畫畫老師 Kelvin Sir 被逼遷我地先冇再跟住佢, 不過, 興趣既野, 幾大個再學番都冇問題既, 好多人只要有興趣, 自修都仲得!

日日放學都冇功課做, 書包冇書淨係抄筆記真係好爽!