同爸爸一齊請假去參加阿仔既小學畢業禮, 今日天氣超級靚~
疫情關係, 家長只可以去其他課室睇直播, 禮堂只有全級畢業生
學校都收到好多花籃祝賀
跟學號入座, 每位學生只容許兩位家屬觀禮, 我地都算坐得前, 不過發現學校個螢幕偏黃, 用手機睇清楚好多
弟弟係第 28 屆畢業生
節目都好豐富喎
弟弟話呢個畢業禮佢已經睇左 4 次 -- 尋日綵排 2 次, 今朝綵排 1 次, 而家直播 1 次, 隔離個同學瞓左 5 次, 笑死我 :DDDD
弟弟畢業了!!! 一個又一個畢業生上台向老師鞠躬, 情景令人動容
弟弟除左多左副眼鏡, 個樣真係冇咩點變
畢業生節目表演, 有朗誦, 有音樂表演, 培基學生多才多藝呢!
弟弟畢業班獻唱 Today, 老師非常有心機將班相整左個 music video
好多相我都係第一次見, 弟弟俾同學夾到成頭都係夾個張真係超級可愛!
之前本來唱友共情, 入面個 video 仲多弟弟個樣添呀! 見佢地成班同學感情咁好都好安慰
畢業典禮簡單而隆重地完成, 家長可以接放學了! 第一時間送上畢業禮物, 小明恨左呢隻畢業熊熊兩年, 話說小慈畢業時我同弟弟一齊買公仔, 弟弟當時就順便揀左一隻俾自己 :D
LEGO 畢業公仔著晒校服咁係咪好得意呢? 小明話好明顯著體育服係開心過著校服好多好多
小慈家姐今日要返學校考試, 所以小明做左獨子一陣間 :D
吻賀乖仔
梗係要同 D 好兄弟合照啦! 呢個係日日一齊返學放學既李卓謙
同埋吳柏翹
仲有左右既周迪飛同何天誠
又叻又靚仔既范知行, 佢吹色士風真係有型到爆!
眨眼間已經由 BB 演變成哥哥
今年既謝師宴由家教會籌辦, 短短兩星期已經辦得有聲有色, 好厲害呀!
弟弟淨係簽左個"明"字, 真係簡潔有力既姐
同死黨同枱特別開心
加多隻吳拍鴨
舊生念情都一齊返黎食飯, 真係好愛學校
筵開 24 席, 好熱鬧呀!
每枱都影張相
我地坐係老師圍隔離
老師加少少同學
老師加司儀
好味
家教會成員獻唱, 又有同老師玩遊戲, 又同校長深情對話, 仲有主席著住校服吟打油詩真係全場爆笑
校長深情對話中
影靚相
畢業班與任教老師合照
弟弟歷屆班主任, 多謝你地教導恩明, 成日讚佢聰明, 有責任感, 係一個可造之才!
唔可以除口罩同老師影相有 D 可惜, 不過小慈一眼都認得出佢地
弟弟真係超級鍾意佢隻畢業熊熊, 去到邊都攬住
畢業證書一張, 不過未影畢業相
學校送既畢業特刊, 仲有枝刻名鉛筆同一隻杯
好攪笑
弟弟學校的生活點滴, 最開心就係學校旅行同運動會
聚餐之後成班去同學屋企玩
去會所玩捉依因, 玩狼人殺, 又食 pizza, 2:00 玩到 6:00 都唔捨得返屋企
2020 既小學六年級真係有夠特別, 雖然冇左個畢業營, 但而家有畢業禮又有謝師宴仲成班同學一齊玩到咁開心, 有難忘回憶就好了!
恭喜郭小明!!!
沒有留言:
張貼留言