MVP+

話說, 小慈參加左一個網上比賽得到金獎 (詳情遲 D 收到獎先再 post), 爸爸好開心想獎勵佢, 於是靜雞雞買左個 MVP+ 諗住等佢考完試就送俾佢!  到弟弟第一志願放榜, 已經出左街食飯慶祝, 但隻衰仔不停話餐飯食完就冇左都想要禮物, 佢用小慈家姐舊書慳到既錢都值得買禮物俾佢云云.... 咁究竟佢想要咩呢?  原來佢想要一個身份 -- Minecraft 裡成為 MVP!!

敵不過弟弟苦苦哀求, 錫到濃既爸爸真係買晒俾佢地!!

名前面會加左 MVP+ 字樣, 裝備呀, 版圖呀全部都唔一樣, 高級左

新身份容許弟弟做好多以前做唔到既野, 例如騎在人頭上 :DDDD

小慈家姐仲有一日先考完試, 見到弟弟唔同左都知道自己有份, 忍唔住開黎玩, 開心到見牙唔見眼!!!

我都神神秘秘越洋訂左 D 玩具, 咁岩又係今日送貨

開箱最開心

一套皇阿瑪軟軟公仔, 好得意好療癒啊 ^^

小慈小明, 你睇爸爸媽媽何其錫你地先得架!