Old Blog

之前我係寫日記既, 到弟弟出世時開始寫 Yahoo Blog, 寫左 5 年佢就執笠, 我的 old blog 轉晒去 Weshare, 但我覺得 Blogger 好用 D 不過我唔識轉番 D 舊野去 Blogger, 於是今日忽發奇想自己 copy & paste 慢慢抄番晒.... 呢個過程好痛苦, 不過我真係想記錄番一個完整既故事係呢度 ^^

小慈小明同秋秋係我既忠實擁躉, 我一出 post 佢地就會睇, 今日兩姐弟仲睇番自己細個時既野, 睇到笑瞇瞇!  唔好話佢地, 有 D 野唔係再 post 番再睇番我自己都唔記得!

小慈睇緊佢自己以前初初返 N1 真係要幾麻煩有幾麻煩.... 見到自己既麻煩野當然唔出聲啦....

弟弟就勁鍾意 BB 小慈, 不停話佢得意, 仲 cap 佢 D 相做 sticker, 笑死我!

嘩~  枕頭出場喇! 

係咪好匪夷所思呢?  個枕頭陪伴左小慈成世, 而家仲健在, 仲用緊, 總不缺少

我個標題係寫住

小慈小明: 這個日記, 記載著你們帶來的歡笑, 記載生活的點滴, 記載天父的恩典, 留待你們長大後一起細看吧~~

估唔到佢地已經長大, 已經一起細看過去的點滴了!  還有力氣, 我會一直寫下去的, 直到佢地唔鍾意我爆佢地私隱為止吧 :p