考完試了~~

今日係上學期考試既最後一日, 學校趁此空檔開小六家長會, 同各家長講解升中派位機制, 何謂自行, 何謂統一派位, 亦鼓勵報考直資學校, 教埋面試技巧等, 仲有師兄師姐既家長返黎學校分享選校心得添!  正當我 download & save 緊咁多資料入腦時, 突然見到有位熟口熟面既小朋友經過, 依?  咁似我個仔既?  真係喎!  點解弟弟會係呢度出現?

原來已經係小息時間, 考完一科, 小息完就考埋最後一科常識.  考試都要當值, 咁岩家長會舉行既地點就係弟弟當值既位置, 弟弟一早見到我, 不過佢話唔敢騷擾我喎!  好在我見到佢即刻攬住錫一啖先 ^8^  咁難得梗係要合照一張啦~  細細粒既佢戴住領袖生帶真係好趣緻

一齊當值既仲有 5 年級師姐同一個都係 4 年級既同學, 真係高頭大馬好多

我見差不多時間, 梗係等埋弟弟考完試放學一齊返屋企啦!  小慈要跳舞就返屋企等.  雖然未知考試成績如何, 但我同爸爸一早已經買定禮物獎勵努力讀書全力以赴既小朋友, 呢 pat 蛋黃哥嘔吐物佢地恨左好耐, 終於有得玩開心到不得了!!

我嘔..... 嘔完又食番 @.@

仲有一架聰明車仔, 識得跟住你畫既路軌行, 我以為佢地可能會嫌低 B, 點知超級鍾意玩 ^^

開心的小明叫架車跟住 I Love You 行

岩岩學緊寫撩草,  I Love You Ma Ma, 好 sweet 啊 ^^

不亦樂乎

考完試就一身輕鬆, 開心放聖誕假喇~~