貓貓餐廳

小慈小明好鍾意動物, 特別鍾意貓貓狗狗兔仔, 住村屋已經同附近既貓狗非常熟稔, 日日要摸過抱過先開心!  當然耐唔耐都會探聽我口風幾時可以養咁啦.  某日行街路過見到賣廣告, 終於俾我地搵到貓貓餐廳, 之前諗住搵間貓餐廳同弟弟慶祝生日都搵唔到, 而家踏破鐵鞋無覓處!

餐廳名稱好攪笑

未入門口已經要穿鞋套, 又要用消毒液洗手, 仲有要閱讀愛貓守則, 徹底保護貓貓

見到喇~~  好多貓呀!!

小明對貓貓而家好溫柔架

呢度 D 貓唔係好肯俾人抱, 佢地又唔係好敢抱, 只係摸下咋

好多唔同品種、毛色既貓都有

餐廳呼籲最好將帶黎既手袋物品放入筒內

要小孩與貓一齊望鏡頭都幾高難度架

呢張叫影得好靚架喇

我鍾意呢隻, 不過佢全日都呢係呢個兜入面舔毛瞓覺唔出黎

每隻貓都吊左塊牌寫住佢地個名架

限時兩個鐘, 有最低消費, 大小同價

食物選擇不太多, 佢地又唔係太喜歡食三文治, 太飽又唔想食意粉, 於是叫左個全日早餐

小慈叫左杯芭菲, 點知引左隻為食貓埋黎想食雪糕!  小慈竭力保護佢個杯, 貓貓都照舔小慈隻手!

小慈話佢條脷好似有勾仔咁, 似一把好軟既梳, 好得意

小明話佢個杯有蓋好安全

為食的小貓望住弟弟份多士, 好好笑

去到 2:00-3:00 pm 好多貓都開始眼瞓唔出黎玩了

瞓晒.....

弟弟發現張貓貓點名表, 差不多全部用食物做名, 大約 2-3 歲大

呢間舖頭竟然有 45 隻貓!!  但店面大約只有 20 隻, 咁仲有一半去左邊呢....?

兩個鐘好快過, 轉戰去文具店玩.  呢位大隻佬四肢無限伸展係俾人舒緩情緒架!?

超開心, 玩到唔想返屋企