恩明眼科

上次健康院檢查發現弟弟有近視, 跟手即刻排期驗眼要 book 到 11月尾 @.@  我梗係照 book 啦, 檢查係保障自己健康架麻, 雖然我轉個頭已經打左去理大眼科驗眼配眼鏡

時間實左過得好快, 眨眼間就係返去健康院驗眼既好日子, 小明已經戴左眼鏡半年了

今日健康院好靜呢

第一次入呢間驗眼室, 估都估唔到視光師要弟弟戴住眼鏡睇英文字驗眼!  更驚嚇既係, 弟弟戴住眼鏡都讀錯晒 D 字 @.@

於是要戴特別眼鏡 check 度數啦~

原先, 弟弟 右眼 75, 左眼 175  鴛鴦眼差 100 度所以一定要戴眼鏡, 真係好驚嚇, 未夠半年, 弟弟近視深左一個 double!!!  右眼 150 左眼 300 @@@@@  唔怪得戴住眼鏡都睇唔到 D 字啦  V_V  視光師勸勉 -- 唔好打機啦!

副眼鏡好貴, 戴唔夠半年就要換好唔抵, 我決定只換鏡片!  行街竟然發現「恩明眼科視光中心」  依~~  恩明喎!  又係眼科, 好攪笑呀!

呢位恩明當正自己係老闆, 忍唔住上去巡視下業務

無端端開心左一輪, 呢位小朋友真係好可愛

好好保護眼睛啦!  9 歲已經 300 度近視, 太過份!!!