話咁快已經 5 年級了
同學仔李念恩
最鍾意佢地門口既班相, 個個都咁鬼馬, 無憂無慮既樣 :)
今年好慘烈, 小慈數學同常識都唔合格, 排名跌出 100 有 Band 3 既危機! 班主任龔老師話小慈基礎差, 教佢英文科發覺佢不單唔小心, 長題目仲要做得唔好, 唔識搵答案失左好多分, 龔老師要求我要多問佢問題, comprehension 抄多幾次題目俾佢做, 希望佢答多 D 寫多 D, 要操卷, 下學期呈分, 只係得番農曆新年假同復活節假去追成績, 唔可以放鬆, 要將唔合格既科目變合格, 又話小慈唔著緊自己既野, 唔緊張自己冇人會幫到佢....... 唉, 聽到我同爸爸 down 晒.... 小慈已經補緊習, 日日都做緊 exercise 成日都寫緊答案日做夜做都叫做得唔夠多? 我都唔知點可以要小慈再做多 D.... 點叫緊張自己既野? 對住份唔合格既卷喊?
我唯一想小慈改善既係佢既時間管理, 知道自己黎緊要做咩就應該提早預備, 想要時間預備其他野就要快手 D, 咩都快快手手先有時間剩.... 講就容易, 我地其實睇到小慈進步, 不過佢速度唔夠快其他人又加速左所以追唔到囉..... 好氣餒, 爸爸話學習制度只講成績, 小慈既良善、信實、溫柔係唔入落成績表既, 不過品學兼優黎計, 我地做父母既始終品行行先, 成績只要小慈自己下苦功想追一定追得到!
跟住到小明, 今年同小一小二既同學仔分開晒, 仲第一次有個男班主任
小明都係最識搶鏡, 托晒頭靚靚仔仔 ^^
有得揀我係鍾意男班主任既, 至少對男孩子既包容度大 D
班主任 Mr Ho 話弟弟做咩野都全情投入, 上堂好積極投入答問題, 傾偈當然都好投入啦! 見到班主任又會叫佢, 好樂意同佢分享事物, 性格又好開朗, 只係希望佢認真一 D, 對比佢開學初期既功課同而家做既真係接受唔到, 情況如果繼續持續, 無可奈何地班主任會為小明預備 2 set 功課, 同一份功課做兩次一定靚 @.@ 全級 130 人成績 70-80 名, 剛剛中間, 成績唔係差不過可以再好 D 囉! 操行都好大改善....... 空間, 特別係責任感得 B- 期望佢下學期有改善 (v_v)'
最開心就係小慈同弟弟普通話依然係 「A+」, 仲要今年冇普通話老師幫手都仲咁高分, 真係好叻叻呀! 安慰~ 安慰~
讀書係一場馬拉松競賽, 落後左, 辛苦 D 追番上黎, 而家領先緊又唔代表唔會俾人追過, 最緊要 keep 住自己既節奏! 只要有目標, 終點一定會達到!
都係個句：「加油! 加油! 加油!」
沒有留言:
張貼留言