圓洲角體育館

成個聖誕玩得咁開心, 就黎返學要做假期功課啦, 其中一份要搵圖書做閱書報告, 仲要係數學科, 要去圖書館先有數學參考書,  一心諗住幫襯新開既圓洲角圖書館, 點知原來工程進行中暫未開, 真係巧失望.... 一場黎到都周圍參觀下啦, 話晒新開張丫麻, 依?!  俾我地發現呢度有個兒童遊戲室, 但好 BB 喎, 問小慈小明玩唔玩?  佢地竟然話玩, 真係估佢地唔到

呢度好色彩繽紛, 不過真係好多 BB, 小慈小明咁大隻好怕佢地整親人

勁鍾意玩呢幾舊動物咕臣

追我啦~~~

玩到趴晒地

自製屋頂滑梯, 攪到勁多 BB 跟住小慈姐姐, 小明哥哥玩

地方闊落光猛, 簇新乾淨, 仲要免費, 值得推介呀!

份功課最終要去幫襯書局, 順道去食埋小慈恨左好耐既隧道包 ^^

返屋企, 做功課!