小童軍團宣誓禮

小童軍團 1746 今日宣誓, 特意邀請父母出席觀禮

小明套小童軍制服係夏天既, 冬天既時候, 我幫弟弟照著長袖底衫出面先著小童軍衫, 唔除外套應該唔覺, 白長襪就變襪褲希望保暖 d, 後來學校出通告話 20 度以下可照常著冬季運動衫, 但係宣誓禮, 弟弟同我講:

 「媽媽, 老師話一定要著整齊小童軍制服, 唔可以打底, 手臂要露出肉架!」

好啦, 好似 d 女明星咁, 幾凍行紅地毯前咩外套都除左, 行完先著番啦 :p  終於, 非常感恩今日有太陽, 天氣溫暖更高達 23 度連外套都唔駛著, very good!!!  God is amazing ^^

宣誓儀式開始

有冇覺得小明個表情有 d 怪呢?  小明由進場到禮成都冇望過我, 因為老師講過唔可以同家長揮手, 要嚴肅認真進行宣誓儀式, 所有佢出現呢個 45 度角既表情

旅長周主任問: 你願意參加小童軍嗎?
小明字正腔圓地: "我願意!"

誓詞: 我願意參加小童軍, 愛神愛人愛香港

戴左條領巾當堂型仔晒

1746 恩慈組大合照 ^^

4 組小童軍 -- 恩慈組 (紅色), 喜樂組 (藍色), 良善組 (黃色), 信實組 (綠色), 弟弟正正就係編為 "恩慈組", 幾時講起都好得意  :)

集隊玩遊戲, 小明終於肯望我喇

乖仔, 咁聽老師話, 可造之材是也, 媽媽以你為榮  ^8^

小明話佢今日既 happy moment 就係同媽媽一齊玩遊戲

更 happy 既係我地仲嬴左添 ^^

兩支旅旗

團長屠老師, 旅長周主任, 仲有好同學仔吳綺澄

何校長

陳老師

小明今日就係贏左 2 個好特別亦好珍貴既小童軍襟章!  個兔仔章佢直頭攬住錫, 70 屆訓練班個章佢竟然羅住同爸爸講: "70 公里呀, 爸爸"  笑死~~

小童軍郭恩明, 要日行一善啊!!

食物玩具

差不多年年都係最後先同琳琳姐姐拜年, 有心唔怕遲年廿四都係拜年時 ^^

琳琳姐姐今日有神秘玩意, 動用好多架生添

就係呢幾盒食材喇

將所有色粉開水

真係好神奇, 我仲以為係輕粘土之類, 原來真係食得落肚架

像真度好高既壽司, 原來係糖黎架

仲有呢碟, 漢堡包有漢堡包味, 薯條有薯條味, 好厲害!!

玩完唔夠皮仲去公園放電添

成個公園 d 樹葉俾佢地執晒

豪飲

恨左去美麗姨姨同 Peter 叔叔屋企好耐, 今晚心願達成 ^^

小明最掛住既就係個花園同埋兩個大魚缸

第一次黎燒野食, 小慈小明扮幫手透爐

黎到先知原來今晚係紅酒大會, 呢支 6 L 既紅酒唔講得笑, 差 d 大過小明

除左去飲宴平時真係冇咩機會飲酒, 仲要兩公婆對飲更加未試過, 因秋秋通常都要揸車!  機會難逢, 小慈幫我地影左張相  :)

飲酒點可以冇佐酒小食?  今晚你諗得出既連咖哩魚蛋都有!  幾 high 呀, 我第一次用鵝肝醬梳打餅 Pama Ham 各類芝士黎送紅酒, 仲有超靚羊架牛扒, 真係飽到行唔郁 ^^

飲杯~~~~~~~~~~~~

呢隻衰秋真人不露相, 今晚唔駛揸車咩都隊晒落肚, 芝華士 Vodka 白蘭地 紅酒 白酒 連普洱都飲埋 >v<

我就好鍾意美麗同 Peter 手上呢壺咖啡酒, 我飲左兩杯就 wing 喇

今晚我地 10 pair 夫婦 KO 左呢度咁多支酒

男子組一人一支吉樽, 勁 man 呀

女子組最細既婷婷同茜儀都訓練有素, 由細飲到大

不醉無歸

今晚真係好開心, 已經約定下一次要 KO 支 12 L 喇, 哈哈哈哈哈~~~~~~~~~

爺爺生日飯

唔講唔知爺爺原來鍾意食火鍋, 就趁生日呢個咁高興既日子, 投你所好啦 ^^

呢間野叫牛涮鍋, 有隻招牌牛係門口

和牛係主打, 我地幾個大人食左 16 盆呀  >v<

因為勁飲汽水, 於是一碗仔烏冬幾塊牛肉幾串菇仔加杯雪糕就餵飽呢三位小朋友

玩按摩又怕吱, 最好佢地三個自己玩, 我地大人密密食, yeah!

爺爺, 生日快樂!  身體健康!!

恐龍郵票

我呢個媽媽都算係咁啦, 知道今日出新郵票, 仲係我個仔突然之間最鍾意既恐龍, 買到都算係咁  :)

淨係睇呢個廚窗都夠殺氣

我覺得最吸引就係呢套恐龍閃咭

橫掂都要排隊, 咩都買 d 返屋企 ^^

弟弟, 好好愛惜珍藏啊~~

小明 K3 上學期家長日

今朝到小明見家長, 我就乘機影下弟弟班房

呢個係郭恩明自畫像

生果籃

呢個月既專題研習講緊中國文化

主題網

一人畫一個臉譜

葉老師盛讚恩明, 話佢畫呢個臉譜畫得好有心機好細緻, 由以前一聽到畫畫會坐左係度完全唔郁話唔識畫, 到而家有自己既想法有主見, 表現出有信心, 全班得佢一個畫臉譜有鬍鬚咋!

葉老師話今年既 K3 班好特別, 大部份都係 10-12月出世年紀偏細既細仔, 全班都唔喜歡靜態及不停重覆既活動例如寫字 & 跳舞, 會怕悶, 怕辛苦, 嗌攰, 冇毅力, 其中既表表者仲係恩明添!! 佢近來仲比較喜歡同人拗頸, 投訴, 講野好勞氣, 會講好多大道理教訓同學, 做錯事又會有好多藉口推卸責任..... 不過, 佢都算係班入面乖個 d, 因為老師話佢會聽, 肯改, 好聰明

上堂好主動, 特別上外籍老師 Mr Jack 既英文堂, 同學仔一般都只係聽到單字, 恩明聽得明又識得多, 成日都出去做示範, Mr Jack 又會讚佢令佢更加鍾意上英文堂.  普通話又有進步冇以前咁抗拒, 終於都聽得明老師講咩.  特別喜愛雙手操作既活動, 例如科學角, 十分有研究精神好鍾意做實驗

自理能力都合格, 需要改善食飯講野既問題, 太鍾意傾偈又有對手陪佢, 不過人地協調到一邊食飯一邊傾偈, 恩明就係大家開始執碗離座, 要老師用激將法 (食得快就有得玩, 你自己傻豬徙時間蠢左放棄機會架咋) 佢先發力食埋碗飯,  次次都係尾個幾個食完.... 大致上都唔錯既, 改善成日投訴好易勞氣激動既態度, 唔怕辛苦有毅力完成挑戰就 very good!

聽到未呀, 恩明?