迪士尼雪亮聖誕

又到聖誕~~  又到聖誕~~  過左萬聖節即刻又到聖誕節, 11 月初已經周圍都係聖誕裝飾!  歡樂節目點少得迪士尼份, 今年仲多左隻新主角 Duffy, 係 Minnie 送俾 Mickey 既聖誕小熊, 見佢個樣都幾趣緻又唔駛排隊就同佢影下相, 小慈小明盡得真傳唔怕大公仔, 興奮到不得了~~

迪士尼周圍既裝飾都好靚

超高既聖誕樹

粉紅色士的糖, 小慈開心到衝埋去攬住佢

城堡前面多左條薑餅人村莊, 要裝人地屋企 d 窗先有野睇!

準備排隊睇雪映舞動巡遊, 小明好開心周圍走捉都捉唔住 @.@

巡遊都搵笨, 基本上所有花車同平時一樣, 只係多左 d 聖誕帽, 裝飾同頸巾!

淨係見到薑餅小姐最開心, 佢個樣好 cute!

花車都仲係個架, 只係佢地換左聖誕衫咋!

小小世界過聖誕, 今年冇上年咁靚, 不過小慈小明都好開心

哈~~ 估唔到玩完小小世界準備前往泰山樹屋之際, 偶遇姑媽姑丈同昊昊!!

真係約都冇咁岩!  不過要佢地三個正經合照真係有 d 難度, 呢張已經叫做最 "四正"

昊昊要去睇 3D Mickey, 呢個係小慈既死穴, 佢最怕大聲同埋有野飛出黎撞埋塊面度 @.@  不過昊昊誠意拳拳又話睇完會好開心, 小慈終於應承

小明第一次睇反而我怕佢驚

弟弟由頭到尾自己坐, 又唔要我幫佢塞耳仔, 俾水噴濕又冇野, 非常叻仔!!

小慈第一次睇都未夠 2 歲但嚇到大喊, 你睇佢個樣幾勉為其難!!  佢真係好愛昊昊先投其所好架!  之前我同爸爸點氹佢都唔會入場, 好在今次我地係適當位置同佢塞耳仔都 ok, 最後見到 Donald Duck 撞埋牆仲笑添!  又一次挑戰自我成功!!

新景點 Toy Story 玩具村興建中, 希望快 d 完工啦, 小慈最鍾意 Jessie 同三眼仔, 小明最鍾意 Woody

昊昊好錫小明, 唔知係唔係因為小明係男仔呢?

聽聞彈弓狗都係新遊戲黎架

迪士尼雪亮聖誕綽頭之一:  大街玩具巡禮

有煙花睇仲有飄雪!  必睇!

小慈玩雪玩到超級興奮表情極多!

小明都唔知咩係落雪, 落 bubbles 佢會開心 d

第 n 次玩灰姑娘旋轉木馬, 小慈都係玩到笑晒

小明玩到唔捨得落馬

今日差不多玩晒所有想玩既遊戲, 仲有時間行 shop, d 野好靚不過樣樣都好貴!!!

呢一幅 Duffy product 牆我見好多人幫襯

睇埋煙花先返屋企, 兩隻小鬼攰到輪流喊!!  玩緊個時又唔叫攰晏覺都唔瞓架喎.....