毛巾操

每年 11 月都係小慈學校聯校旅行既大日子, 6 間分校一齊出動場面好壯觀架!  為隆重其事, 每年旅行都會有主題, 今年係體藝嘉年華, 宣揚要注重體育及藝術發展  學校連續兩個星期五都請家長去學校跳 "毛巾操", 旅行當日一齊表演, 小朋友已經識跳晒, 學校仲錄影左片段, 呢 d 相係我影 video 既相, 搵唔搵到小慈呀?

一班小朋友都好醒目

一定係跳得叻先企前面啦!  小慈岩晒 beat 架

歌詞: 

七彩色調美又趣, 青橙紫藍綠同白, 深淺襯著明共暗, 將創意塗在圖畫裡

七彩色調你共我, 青橙紫藍綠同白, 恩賜配合成大器, 讓潛能為主全傾獻

副歌: 彩墨奇又趣, 光色也多姿, 點綴成奇異, 讓柔和明麗齊飛躍

又唱又跳好落力!

跳完毛巾操, 爸爸接小慈放學返屋企, 因為我約左班靚媽去街!  比著以前呢 d 情況, 小慈一定會攬住我大脾大喊唔俾我走, 而家真係大個女喇~~

小慈仲吩咐我玩得開心 d 小心 d 搭車