食飯

由細到大, 食飯都係小慈既死穴!  試過隻白灼蝦趙左 1 個鐘變蝦膠都吞唔到 @.@ 

氹又氹過罰又罰過都唔能夠令佢食快 d!  我地甚至問埋醫生意見, 醫生話小慈食道比正常人窄, 所以一次過唔可以吞咁多野, 就會含住同埋食得比人慢

係學校食飯老師唔想令佢太大挫折, 小慈碗飯係比其他同學仔少, 寧願佢唔夠食會舉手添, 好過佢次次包尾!  小慈唯一會舉手添食就係學校茶點係壽司 or 粥, 壽司係佢既飛弗, 粥唔駛點趙梗係食得快啦!  

食得慢, 食得少, 就係佢咁瘦既原因!  我細個都好瘦好瘦, 瘦到我媽以為我生虫俾花塔餅我食, 其實健康就得啦, 所以我而家都唔逼小慈

今晚食飯時既對話....

小慈: "點解姐姐食飯食得咁快, 次次都食第一既?"

(小慈聽到姐姐已經食完飯洗緊碗)

我: "啊~~  姐姐係廚房食飯, 得佢一個人冇人同佢傾偈, 廚房又冇電視睇梗係食得快啦!"

小慈: "姐姐, I come to eat with you~~~~"  搬埋櫈仔入去

小慈真係好乖女, 佢知道自己食得慢, 想盡辦法去改善

今餐係食得快左 2 個字, 大拿拿 10 分鐘架 XDDDDD