小慈第一次獻詩

小慈大大話話已經係兒童詩班練習左大半年, 都學識唱好多首詩歌, 今日要獻詩, 非常感恩, 小慈順利完成佢第一次壯舉

著左詩班袍白雪雪, 小慈似唔似天使呀 ^^

弟弟都為小慈打氣

好朋友 Alkie

排隊準備出場, 相機俾爸爸用黎拍 video, 我部手機影相麻麻地

有大會攝影師影既相即刻正好多 ^^

今日兒童詩班為大家獻唱兩首歌 -- 《Dona Nobis Pacem 求賜平安》 and 《齊來背十誡》

《Dona Nobis Pacem》

拉丁文解作求天父賜平安, 係莫札特作既加冕彌撒第五段《Agnus Dei》（羔羊頌）的後段, 係好多合唱團音樂節目中最常出現既曲目之一, Dona Nobis Pacem 確實使唱者, 聽者都感受到屬天的平靜安穩 

《齊來背十誡》

歌詞十誡, 是十誡, 你我他當守十誡.  誰快, 誰人快, 誰能夠最背得快?  

第一誡主說除了我以外, 不可敬拜別神

第二誡不可敬拜偶像

第三誡不可妄稱主名

第四誡記住要守安息日, 還剩下其餘六誡

你家裡的父母當孝順, 不殺人不可姦淫, 還嚴禁偷竊別人的東西, 更加不應胡亂作假見證, 還切記心裡不應起貪念, 十誡就這樣背晒!

小慈今日能夠企係台上面唱歌俾天父聽, 我真係好感動, 以前既野唔好講, 單係尋日 rehearsal 小慈已經喊到豬頭咁!!  一到陌生環境小慈就會失常, 即刻寸步不離咩都要媽媽

第一次上禮堂, 初初出去練習都冇野, 只係唔俾我離開佢要望住我坐邊

一到上講台排位就勁喊, 小慈同我講好驚跌喎

喊到豬頭咁.....

未肯停

之後夜晚仲要無端端嘔 4 次, 食咩嘔咩, 我幾驚佢今日病左返唔到教會呀, 好在屋企有藥食!!  臨瞓前拖實佢隻手同佢一齊祈禱!  

哈~~  有時神蹟就係咁樣發生, 今朝小慈起身咩事都冇, 精神仲好好,  同佢一齊揀衫揀襪又剪頭髮扎晒辮..... 扮到好靚女咁返教會獻詩, 仲要冇喊!!!!

佢今日可以獻唱, 我真係好開心好開心!!  榮耀歸神~~