戒片進度

陳老師繼續匯報小慈學校戒片情況, 話佢識表示如廁需要, 識表達! 

排洗既時候有屙, 有時突然想去廁所又識自己禁住, 間唔中都有賴尿, 仲賴左尿唔出聲等老師發現!  幫佢換完衫就會話自己靚靚!!  有得換衫好興奮, 同佢包番片片就會紥紥跳, 好開心好似冇左負擔咁, 不過陳老師都有教佢著校服先係最靚

陳老師仲話小慈鍾意表現自己, 要人注意, 鍾意人讚! 

食飯食叻左, 要添飯!  茶點都有添, 要加份量俾佢喇!

真係要足足 2 個月先適應學校生活呀!