連續第 2 日著校服返屋企冇賴尿!

小慈連續兩日放學都著住校服返黎, 即係代表佢係學校識叫去廁所冇賴尿呀!

乘勝追擊!  我地係屋企同佢沖完涼之後都唔再同佢著片, 只係密 d 叫佢去廁所, 雖然我有 d 擔心屋企張絲絨梳化會糟殃, 不過點都要行出呢一步架啦, 一陣係學校唔著片返到屋企就著攪到小慈有混亂仲衰!

放工返黎小慈心情好 high 啊~~ 好多野講:

"你返黎拿?  我返黎喇!  小慈幫你啦!  媽媽唔要沖涼唔換衫!!  爸爸過黎呢度丫!  小慈去街喇, 小慈換左衫換褲喇, 小慈去買 chocolate 包包喇...."

又走去搵琴姐姐, 仲唱左首 bye bye bye bye bye bye say goodbye 歌俾我地聽

跟住又話腳仔俾蚊蚊咬要搽無比膏, 第一次我幫佢羅藥膏, 點知一陣又話痕佢自己去羅, 衰妹由梳化起身一路行去羅無比膏一路就將隻手放係後面幫自己鎚腰骨, 仲要表情痛苦   笑到我爆嘴!!!!!  佢學我大肚陀住弟弟條腰真係超痛, 我下意識會同自己鎚下背脊舒緩痛楚, 點知俾小慈望實晒仲學到我足!!!! 

玩玩下, 小慈突然同我地講: "小慈屙殊殊!" 

雖然忍唔住賴左少少濕左條底褲, 但去到廁所都仲有得屙!  爸爸話聽到小慈屙尿落馬桶既聲音好感動!!   小慈好叻呀!!  學識表達如廁需要

寶貝枕頭

你地睇下佢 d 腳趾.... 可能有跳芭蕾舞既天份?!?

心情靚絕既小慈

叻叻豬!