試後活動一籮籮~ 今日我地搭屯馬線去元朗再轉的士, 山長水遠入果園玩, 沿途已經見到好多花草樹木, see? 好多太陽花呀!!
到達潘媽媽果園! 招牌咁細差 D 就 miss 左
著晒淺色衫戴晒手袖攞齊架生, 我地開工喇!
先去摘好出名既香水檸檬, 果皮有香矛味好神奇
農夫秋出動
同女士一樣要揀 pat pat 又圓又大既就係靚貨
摘到一隻
咁都發現螳螂
跟住我地就去摘龍眼, 本來今日係黎摘荔枝架, 可惜上星期日日落大雨荔枝全數被擊落, 好可惜, 不過龍眼我地都好鍾意食
考技術, 一落剪即刻就要用籃接住, 如果唔係龍眼就會跌爆晒
轉個彎仲多龍眼
遍山皆是, 大豐收呀!
用較剪剪都得, 唔使伸長條頸
不過用長剪又好好玩
上面大粒 D 架
剪到停唔到手
將摘落黎既龍眼再修剪枝葉就可以攞返屋企, 我地竟然摘左 3 磅半龍眼 @.@
爸爸發現樹頂仲有荔枝, 不過真係太高剪左好耐 XD
森林中的靚仔
轉戰掘薯仔
好大隻呀!
掘下一隻掘下又一隻, 薯仔出土已經好乾淨, 又大又靚
我地又掘左成車..... 薯仔都買左 $2XX 破產了 X__X
附近仲有好多其他農田, 呢塊係禾田黎架!
真係聞到米香
弟弟成日都唔明白聖經入面講既執麥穗係咪, 而家即刻明白晒
請觀看稻田, 主的莊稼在面前, 遼闊收成沒法估計
香印提子園!!!
好多提子呀
太貴重, 每串提子都用布袋包住
呢度環境好清幽, 除一陣口罩抖抖氣, 感受下泥土氣息
Grace under the grapes XDDDD
揀定呢串喇! 農場主人話其實提子仲差少少, 如果下星期先黎提子仲會再香 D 甜 D
呢串香印盛惠 $206... 貴, 不過真係好好食!
攬住堆草做咩事?
原來係弟弟既至愛活動 -- 餵山羊
大家都有份唔駛爭
是日驚喜 -- 阿豬媽與她的豬仔
豬仔超得意呀
我地起勢摸佢個豬鼻
第一次見阿豬媽擘拍瞓低餵奶, 豬仔撲住搶奶霸佔有利位置場面真係好震撼! 遠處仲有隻豬公要分開飼養
食飽就瞓既豬仔 (Photo taken by Grace)
小慈小明忙於餵飼, 我同爸爸嘆下山水豆腐花
仲有新鮮冰凍西瓜, 好好食呀!
滿載而歸
我地既薯仔主題晚餐
做農夫好艱辛, 但睇見有收成真係好開心!! 多 D 幫襯本地農夫, 更加要珍惜食物!
