遠近慈明

2017年4月12日星期三

Final Run

由 3月尾到而家, 由一個星期綵排一兩次, 到一個星期綵排三四次, 再到呢個星期晚晚綵排, 睇住小慈每次都有進步, 真係幾開心, 排劇仲有好多難忘既經驗, 小慈已經同我講超過一次覺得話劇好好玩, 唔覺得辛苦, 仲話出年如果再有機會都想再參加 ^^

影宣傳照, 竟然話小慈個樣 95% 似爸爸 @.@

有晚綵排時誤撞喉管, 洩露煙霧觸響警鐘連消防員都黎埋, 呢個經驗真係勁難忘

教會弟兄姐妹原來臥虎藏龍, 音響、燈光、攝影、配樂、道具樣樣都有人識, 今日佈景組真係砌左個籠屋出黎!! 勁逼真!

超勁正! 嘆為觀止!!

呢一格就係小慈與劇入面媽媽既床位

好狹窄, 小慈感受好深

借錢梗要還, 咪俾錢中介! 道具組好野!!

一有時間就對戲, 有埋佈景更加投入, 大家都好認真, 小慈被感染了

第一次見 Walkman

今晚要化妝、換衫、run through, 攪掂晒既小慈自己玩等埋位

趁呢個空檔, 我梗係幫佢集郵啦! Up to You 高手如雲, 連媽媽我都學到野

每個哥哥姐姐姨姨叔叔都對小慈愛護有加, 俾左佢一個非常非常愉快既體驗, 開佢既眼光, 多謝你地!

大咪哥真係好好笑! 聽得多睇得多, 小慈已經背晒成套劇所有人既每一句對白

今晚仲有 Up to You 之寶既寶哥黎幫手執排, 學到野呀! 寶哥話小慈做得好, 遲下有套兒童劇都會搵小慈幫手 :D

影劇照

攝影師 Dan Dan 真係高手, 影得好好呀!!

掌握每個角色既神韻

我好鍾意呢張台前幕後既大合照, 大家都笑得好開心

好開心有機會參與事奉, Up to You 你地每一個既認真, 令我深深感動, 我們原是要將最好既獻於主, 不論時間、才幹、金錢、愛心....... 就是要獻上最美!!

2017年4月11日星期二

默書 100 分

升左上五年級之後, 默書要取 100 分真係難過登天! 尤其在中文默書, 一撇? 一點? 穿出? 埋口...... 真係唔到老師批改都唔知自己寫錯字, 所以, 次次都差少少

終於, 小慈今日吐氣揚眉, 真真正正攞左個 100 分返黎喇~~~~ ^^

有印仔, 有學業成績獎勵劵, 小慈話全班得 3 個 100 分咋!

英文默書就差少少先 100 分, 小慈話老師讀得好快, 差 D 寫漏成句

爸爸一早買左好多盒 Lego 係屋企, 邊個默書 100 分就可以開一盒, 次次都係弟弟有得揀, 今次終於輪到小慈喇~~

實在太開心, 因為太難先得到, 小慈竟然話出街食飯慶祝 ;P

呢間日式燒烤店, 小慈想試好耐架喇

真係好新鮮, 好好味! 不過份量有點少, 要食埋個飯團焦先夠飽

我買左排「蛋」俾佢地, 頒獎禮現在開始~~

爸爸仲買左成袋零食返屋企, 開心到小慈擘大個口得個洞

做咁多野都係想你地努力讀書, 而努力讀書後又有回報, 皆大歡喜 :D

2017年4月9日星期日

宣道人生

由新一年 1 月1 日開始, 教會發起「宣道人生」運動, 藉住宣教人生呢本書, 讓弟兄姊妹領受廣傳福音的大使命, 超越自我, 作不能不說的福音勇士, 為主作見證

眨眼間, 為期 4 個月既宣道人生運動今日完滿結束, 真係未試過上主日學上到有證書同有禮物, 好開心呀!

教會上上下下總共有 400 人參加宣道人生, 影張大合照留念先

夫婦同心, 在基督裡一起努力, 攜手共走天國路

我們被造是為一個使命, 不論在何處, 努力為主傳福音, 為教會、宣教士、傳道者、同路人祈禱, 彼此守望! 願萬民都得知袮的救恩!

2017年4月7日星期五

小明今日放學打電話俾我, 佢係咁講既:

小明: 「媽媽, 我今日俾老師寫手冊呀!」
我:「下? 衰咩呀? 欠帶野?」
小明:「點解你會覺得寫手冊一定係衰野既呢?」
我:「依? 你咁講即係老師讚你?」
小明:「岩勒! 就係咁樣!」
我:「嘩~ 邊個老師咁欣賞你呀?」
小明:「音樂科藍老師呀!」
我:「音樂科? 佢讚你咩呢?」
小明:「佢讚我有進步!」
我:「唱歌方面?」
小明:「唔係呀, 我成日都有舉手答問題仲要答岩晒, 同埋我排隊講少左野好有進步呀!」
我已經爆笑 :D 「咁即係你平時排隊好嘈啦?!」
小明:「我叫其他小朋友安靜之麻」
我:「仲好講, 你唔好再講野咁用力咁大聲, 把聲而家已經沙晒, 就黎唱唔到歌架喇!」

真係俾弟弟笑死, 不過寫手冊接受讚賞都真係第一次見, 小慈都未試過