小明: 「媽媽, 我今日俾老師寫手冊呀!」
我:「下? 衰咩呀? 欠帶野?」
小明:「點解你會覺得寫手冊一定係衰野既呢?」
我:「依? 你咁講即係老師讚你?」
小明:「岩勒! 就係咁樣!」
我:「嘩~ 邊個老師咁欣賞你呀?」
小明:「音樂科藍老師呀!」
我:「音樂科? 佢讚你咩呢?」
小明:「佢讚我有進步!」
我:「唱歌方面?」
小明:「唔係呀, 我成日都有舉手答問題仲要答岩晒, 同埋我排隊講少左野好有進步呀!」
我已經爆笑 :D 「咁即係你平時排隊好嘈啦?!」
小明:「我叫其他小朋友安靜之麻」
我:「仲好講, 你唔好再講野咁用力咁大聲, 把聲而家已經沙晒, 就黎唱唔到歌架喇!」
真係俾弟弟笑死, 不過寫手冊接受讚賞都真係第一次見, 小慈都未試過
整個 close up 睇清楚, 出自音樂科老師所以有畫粒音符 ^^
你欣賞我, 我又欣賞你, 小明寫左張敬師咭俾佢最愛既班主任 Mr Ho, 自己寫晒成張咭然後叫我簽名, 又寫得幾好喎 :)
呢位就係廣受歡迎的 Mr Ho, 成日俾同學仔攬住
小明張咭因為寫得太好, 被班主任 Mr Ho 揀中佢 lunch time 去廣播室做「午間廣播」, 向全校讀出呢張咭既內容 !! 嘩~~~ 好榮幸呀!
呢間就係午間廣播室
廣播中~~ On Air
弟弟話佢做完午間廣播返課室, 全班熱烈拍手歡迎佢返黎, 仲大叫佢做「明星」添, 笑死 :DDDD
爆笑事件一則 -- 話說我地今晚睇新聞
小慈:「新聞入面個主持人都係姓郭喎!」
我:「唔出奇丫, 郭都係一個大姓黎架 !」
小明:「係齊天大聖呀!」
哈哈哈哈哈哈
我:「大既姓氏, 即係都多人姓郭, 唔係個個大聖爺呀!」
爸爸:「咁好想像力!」
小明真係好可愛~~
沒有留言:
張貼留言