漳州 Day 2 玩玩玩

溫泉酒店包早餐, 朝朝都可以食 buffet 所以小慈小明最鍾意住酒店!  出門前無端端問我酒店姐姐識唔識睇繁體字?  我話唔肯定... 做咩呀?  原來佢地怕人執走佢地既寶貝, 但又唔識寫簡體字, 終於決定寫英文叫酒店姐姐唔好攪佢地 D 野, 笑死我喇!!

實在太開心喇!  我最鍾意食漳州既咸豆花, 酒店竟然教你自己落手整!!!  於是我落左好多蘿蔔乾、少少醋、大量酸笋, 再加鹵水汁, 超好味呀!!!!

今日係星期日, 親戚們好多都在家休息, 於是今日既主要節目係探訪 :)

呢排單車好吸引, 不過要公務員先可以租, 大人單車佢地兩個都踩唔到啦

第 1 站探爸爸的表姐, 佢已經係人地既嫲嫲, 所以我地輩份好高架, 當年黎呢度探既初生 BB 而家已經就黎 3 歲了

妹妹好鍾意同小慈姐姐、日月哥哥同日天哥哥玩!  日月哥哥係小明幫自己改既名 (日月 = 明), 日天哥哥係小明幫昊昊改既名 (日天 = 昊), 真係冇佢咁好氣

坐一陣就走因為怕阻住佢地食午飯, 睇到佢地既餸菜我忍唔住影相, 因為呢幾樣係秋媽以前成日煮既家鄉餸....... 無限懷念~~

爺爺請飲蔗汁, 佢地係會將碌蔗過幾次機, 將蔗碎翻兜, 確保所有汁渣晒出黎唔浪費, 學到野呀!

第 2 站我地去四姨婆屋企, 即係嫲嫲對落個妹, 語氣神態係咁多個姨姨之中最似嫲嫲既一個, 佢地養左隻自來狗「多多」, 開心到小慈小明不得了, 攬住唔放 :)

第 3 站爸爸既表妹阿姿姨姨帶小朋友去類似冒險樂園玩

趁呢個空檔, 我同秋秋把握時機跟爺爺去做腳底按摩, 呢間眾生堂最出名, yeah!

師傅手法正宗, 又平又正, 我做左個韓薑泡腳、按肩頸、修腳、加鐘按精油、腳底拔罐 ( 秋腳板長可拔 3 個罐, 我腳細拔得 2 個, 第一次覺得腳細唔抵, 哈 :p), 攪足 2 個鐘都係 $100 RMB, 抵到爛!!

周圍閒逛, 發現有間教會, 寫到明係基督教禮拜堂, 我即刻入去八下, 禮堂座無虛席, 各團契上台表演慶祝主耶穌復活, 我真係好開心好感動!  求神祝福漳州呢個地方 :)

又發現美食!!  我最鍾意既土笋凍, 仲有秋秋細個最鍾意食既 QQ 串同麻糍波波!!!!

係時候同小慈小明匯合, 星期日既中山公園好熱鬧

Tea time ^^

咩都玩一餐既三表姐弟, 小明好 enjoy 做 BB, 家姐哥哥爭住揹佢、抱佢都無任歡迎~

天氣好熱, 再加上冇特別地方想去, 於是決定返酒店泳池游水!  不過池水係室溫水有蓋又冇太陽曬凍到飛起, 但佢地決定凍住都照玩, 穿晒所有水泡上身等自己個 body 少 D 同 D 水接觸冇咁凍喎!  最怕凍既小慈最快頂唔住要上水

夜晚係酒店附近既店舖食飯, 呢間「旺角」咁有親切感, 就幫襯佢.  同場加映小慈扮飲啤酒  :D

竟然有釘螺食, 正呀!  一碟辣, 一碟唔辣, 唔該!

大滿足 ^^