漳州 Day 1 遊師範

幾經辛苦我先爭取到復活節放大假 (假期如滾雪球般越積越多, 再唔放就 forfeit 架喇), 由於太遲先批准放假, 所以完全唔敢計劃出國旅行, 咁岩姑媽問返唔返鄉下?  依, 呢個提議都唔錯喎, 返鄉下都係旅行啦, 就當一家人散散心 ^^

今次復活節假小慈小明跟紅日放, 紅假第一日朝早仲要返教會表演話劇, 下午即刻返屋企狂做假期功課, 佢地絕對唔希望返鄉下都要做功課喎! 於是非常叻叻, 勁開 turbo 只係做淨一份 writing, 帶埋上車高鐵一開車兩姐弟就開工, 唔駛 1 個鐘就做晒, 終於可以放心放假去玩喇~~~

相信如果有得揀, 小朋友應該唔會揀返鄉下渡假, 偏偏我家的小朋友就是喜愛中國漳州這個地方 ^^

偶遇中國特警

今次旅程主要係渡假休息, 我地決定要好好對待自己, 秋秋話一定要瞓得好, 於是入住呢間新既溫泉酒店 -- 佰翔園山

酒店真係好大好靚呀!  仲有得玩佢地至鍾意既旋轉門  :D

我地入住家庭房, 有一張 4尺床同一張 5 尺床, 點知兩姐弟堅決要我同一齊瞓, 益左爸爸自己瞓一張

放低行李, 熱情既親戚就載我地出去玩 ^^  第一次參觀閩南師範大學, 升格為大學冇幾耐 (情況同 IEd 差不多) 地方細細但呢度竟然有 2 萬個學生!!  本科生都萬五, 仲要寄宿, 所以要積極爭取擴建 

我地今晚係師範大學飯堂入面既 VIP room 內用膳

秋既表姐同表姐夫請客, 佢地係師範大學教書, 表姐教化學, 而家唔駛做科研所以都唔太辛苦

舟車勞頓加上太掛住酒店個浴缸, 一食完飯邊度都唔去即刻返酒店浸個泡泡浴!  今次浴室設計非常好, 浴缸旁邊就係花灑水喉位, 一個可以沖涼, 另一個同時浸浴, 佢地知道浴缸水唔怕滿瀉之後, 竟然玩跳水 @.@  即時水花四濺玩左成個鐘, 浸到皺皮都唔肯上水 :D

每人帶兩隻公仔再加私家枕頭、被被, 0 秒進入夢鄉 ^^