漳州 Day 3 放孔明燈

返鄉下最主要既原因其實係掃墓, 我地今日上山喇~

多多都一齊上山, 好驚喜, 爭相放狗

孝子賢孫為嫲嫲除雜草, 清洗乾淨, 在我們而言這是一個空墳墓, 只是一個紀念

嫲嫲我地好掛住你呀!!!  你在天家好嗎?

 順道去探埋秋秋既公公婆婆舅父, 跟住我地落山去路路姑姑既音樂室

星級導師 ^^

路路姑姑兩年間音樂室擴充一層變兩層, 又大又美觀, 好厲害啊!

更多地方玩, 三位小朋友仲有表演娛賓添 ^^  小慈彈琴、小明耍武術、昊昊打非洲鼓同埋抬拳, 非常精彩!!!

之後我地去左古城

RMB $1 可以租單車車踩半個鐘, 隨處泊就 ok, 下手用手機微信一嘟又可以租車踩, 真係好方便呀!

古城有好多好野食, 我地去掃街 :)

全部都係漳州傳統小食, 我地試左鍋邊糊、沙茶麵、三角粿、水果刨冰、QQ 串, 仲有小明一口氣食左 3 個麻糍波波, 不停話好好味 ^^

遊古城

連中國傳統保育都做得咁好, 舊屋新用, 香港淨係識拆拆拆然後起樓

遊中山公園, 天氣涼涼好舒服

行到攰上去五姨屋企坐下, 二舅母專程來探秋秋同家姐, 多年不見, 萬千感覺上心頭, 大家都要保重, 注意健康啊~~

小朋友在五姨婆家休息玩棋

我地幾個大人又去眾生堂梳乎咯 ^^

恨左幾日, 終於等到機會坐路路姑姑既摩托車!  可能太舒服, 小明竟然係車頭瞓著左???!!!!

今晚路路姑姑請食飯, 雖然寫住羊肉館不過我地冇點羊食

餐廳好鍾意用貝殼煮湯, 淡淡地都幾鮮味, 多謝你地又陪玩又請食飯, 見到呢個契妹長大左咁本事真係令人安慰~

早食飯, 夜晚時間好見駛, 我地行埋超級市場買定杯麵回程時在高鐵開餐.  非常佩服小慈小明仲記得用 $1 銀仔租超市車仔坐!  不過開始大隻, 小明對脾脾差 D 塞唔入架車 @.@

終於等到喇!!  我地夜場去中山橋放孔明燈 ^^

 睇長髮公主時成個天空都係孔明燈非常浪漫, 現實中我地失敗左幾隻葬身橋底最後先成功咋

飛呀飛, 飛高 D~~~

跟住就到重頭劇 -- 放煙花!!  辛苦爸爸同姑媽行到身水身汗先買到番黎 ^8^

點知中山橋發出告示唔俾放煙花!!  下?  咁點算?  睇真 D 原來連孔明燈都唔俾放, 但我地又放左喎.........

返鄉下既其中一個心願就係放煙花, 深思熟慮過後, 醒目既香港人咪唔係條橋度放囉 :p

四野無人...... 點火!!

最好玩係滴滴金, 即刻唱小忌廉主題曲 :D

有默契的大人們一字排開睇小朋友玩, 你開心我就開心 ^^

勁爽!!  實在有太多貨, 我地約定臨走前再放多一次!