要戶外活動, 一定要天父造美, 係我地一大班人約中秋節翌日公眾假期一齊出海之日, 天文台預測短暫時間有陽光及幾陣雷暴, 隔幾日預測變成局部地區有驟雨, 幾陣雷暴及日間酷熱, 最終今日係藍天白雲, 完全冇落過雨冇行雷, 超級好天氣!! 真係非常非常多謝天父呀!!!
我地 7:48 am 已經黎到馬料水碼頭, 每日只得一班 9:00 am 船入東平洲, 8:30 am 開始賣船飛, 早 D 黎排頭位坐上層
小慈小明心情興奮!! 天氣真係超靚勁 post IG
呢個碼頭除左有船去東平洲, 仲可以去高流灣, 荔枝莊, 塔門..... 我全部都未去過
我地隻船呀! 視乎條隊有幾長而決定開幾多隻船
出發喇~~~
朋輩既力量真係好大, 本來柏苗今日想留係屋企休息架, 點知俾小明幾個問題打動左:
"你去唔去呀? 我去你唔係唔去呀? 你真係唔去? 你肯定? 你肯定?" 笑死 XDDD
船程兩個鐘, 一齊玩時間好快過
陽光耀眼到要戴太陽眼鏡
我仲以為被水警追截, 原來隻船係漁農自然護理署既, 呼籲我地要愛惜大自然, 唔好採摘珊瑚
準備落船
嘩~~ 水清沙幼, 好靚呀!!!
到此一遊
除左上次去東壩睇六角形柱石, 今次係我地第二次去世界地質公園
古老屋仔
我地係士多放低好多行李, 淨係帶冰水同潛水鞋行山, 第一站我地去斬頸洲
東平洲的形狀有如一彎新月 (岩晒我地今日追月), 岩石屬沉積岩, 由幼細既泥沙形成, 約有 5000 多萬年歷史, 係香港最年輕既岩石! 右邊斷開左既就係斬頸洲
好靚呀!!! 好想尖叫下呢條斷頸!!
斬頸洲其實在地質上稱為 海蝕峽谷, 由天空向下望似被人斬頸而得此名
讀 GEOG 既爸爸表示開心
5000 萬年啊~
古董要細細力摸
小慈話佢發現左塊非洲石
越片越出
最終呢位小朋友係全身入水 @.@ 泳衣在士多呢.....
應該要逼佢著泳衣先
我個可愛乖女 ^^
佢地有佢地玩, 我同秋秋周圍行下, 身後係海蝕崖, 都係被海浪侵蝕而形成
海蝕平台, 岩岩潮漲, 如果唔係應該更加震撼! 天父創造奇妙可畏
航拍下的我們
航拍下的斬頸洲
我們的大合照
第二站我地沿海岸線綑邊經洲尾角行返去碼頭
岩石高低起伏, 濕既地方仲有青苔非常跣腳要好小心
被困的魚仔一家人
每一層泥沙顏色有少少唔同就會形成好靚既綫條
沿海行真係好刺激
要澗水, 有 D 位更要手腳並用
有驚無險, 冇人跌落水
我個菠蘿蓋冇事!!
路是難走, 但比起袮的十架路, 我今天算甚麼, 來起身再走過
小慈好乖, 成日驚我跌親拖住我行, 又為我開路
點影都似風景畫
見番路牌, 終點不遠了
發現貓公洞
一隻小貓~
沙好滑好滑
烈日當空, 行到個肚打鼓....
我地就係沿住海岸線行左一個鐘頭返番去碼頭附近
極速食飽飽就換泳衣落海玩浮潛
水有少少混濁, 但都睇到好多魚, 仲有好多唔同形狀既珊瑚
真係要浮架, 突然間就會有超高既珊瑚出現你附近, 小慈一撥水都割損手板
超級鍾意水既小明當然玩到唔捨得上水啦
今日真係好開心!
好似去左沙巴 馬爾代夫一樣呀!
航拍下, 浮潛中既人仔真係好得意
要回程了! 尾班船 5:15 pm
小慈影架!! 超靚 ^^
2 個鐘 again 既船程, 瞓晒......
太陽都落山了
多謝天父俾我地有咁開心盡慶既一日!
香港, 好靚~
沒有留言:
張貼留言